Mataafa Uumata 28
28
1Hisaaqi ka Yayqoopi hale ka ishi' sake. Ka ishi dehaame ka kide, “Tuparra Kene'aani oppa in heman. 2Ma aane ka tika apuyyaataayshina a Paatu'eli opa piita Mosoppotaamiya opa aane. Ka eyyeeyye tuparra a apuyyaataayshina a Laapa oppa takka heme. 3Waaqase we' piisa ettaninno, a ke' sako, Meeraayti ka saaro, sanynyeetaayti ka koopto. 4Ka akka Aprihaami' sake mina'e ke ka sanynyeetaayti' saka. Ka piitase a xatta a Aprihaami' daashe, atti ka kalaytuma oppa kallaannitto, xaayti koddita.”
5Hisaaqi oori asse Yayqoopi erke. Ikka piita Mosoppotaamiyaati Laapa inna Soorittase a Paatu'eli kapoopa aane. Laapa'ew, alawa Ripiqa, a aayya opa Yayqoopi isho a Eesaawi.
Eesaawi iskatteeta pila'e hemeew
6Eesaawi ete akka Hisaaqi Yayqoopi' sake ka piita Mosoppotaamiya opa erke ka ishi' kide, “Tuparra Keni'aani oppa in heman,” 7Yayqoopi ka Aappaaysho isho Aayyaassoti ajajame ka piita Mosoppotaamiya opa aaneeyye, 8Aappaaysho kuli ka iskatta Kene'aani' jaalanni in kinnin upnaadeeyye, 9inna Aprihaami Isma'eeli kapopa aane ka iskattase' xaadi a deyyo' qara'e, Maahilaati enenta Isma'eeli heme. Isheetta alawta Napaayoti.
Olsa Yayqoopi
10Yayqoopi ete Persaapeyye xa'e ka Kaaraanipa annooyye, 11letta ka poroppa' qara' dumte, ikka poroose oppa'ew daka matta' kodade ka qara' muke. 12Ka olsaanne, qoyra fayyuma a piite xa'e ka moonta kaye akke. Ka erkampattowwa a Waaqa a qudandela fayyanna ka quda xata lekkanna akke. #Yoha 1:51 13Ikka akka Yaahiwwe isha kapa' qa'ade ka ishi' kiino'e, “Anti an Yaahiwwe, an Waaqa aappadaassina a Aprihaami ka an Waaqa Hisaaqi. Piisse a are oppa' mukte, ke ka sanynyeetaayti'in daasha. #uuma 14:15 14Sanynyeetaayti akka hinkaajjeta daka kela' mina'en leksha, ishootta ka piita piisa qara piran. Orra piita qara co piisa ka ke ka sanynyeetaayti minan saka akkada. #uuma 12:3; 22:18 15Tooy! anti ke ollin caada ka pora oppopa annitto pisa oppa ke tooyta ka piisse are kitto oppopa nakaytan ke oorsha. Xaxa an ke' kale piisa in ke' dikkesha, umma alle an ke an diisho.” Olsaappan akke.
16Yayqoopi ete mukittaappa impaseeyye ikide, “Ata ana in upnaannini ma, Yaahiwwe dukaata'e areppaayye ca.” 17Ka akata tammaqe ka kide, “Ata porose atta orra fuurinni. Porose are co asu tika Waaqa ka xarra moonta.”
18Yayqoopi ka parri paraappan xa'e ka dakase a matta' kodade poroose oppa' dishe ka qara' sayteeta a ekertoppa kodamte tuqe. 19Ka poroseti “Peteli” Kide ka maxxa ishi' kode. Maxxa katamooseneti xattaayye Loosa kidammi. #28:19 peeteeli afaa iprutinni “tika Waaqa” kideeta.
20Sekkammaayye Yayqoopi Waaqa tura'e kalsha lelade ka kide, “Oton ana olli' caatta ka ana tooytita ka waan dama ka an uwwisada ana' daassaayye, 21ka tika aappinno opa nakaytan ana tiitassaayye, atti Yaahiwwe Waaqiyyo' koddita. 22Porose an are oppa dakoose qaatishe nefo, pora oppa ke saksannaane kodda. Anti'iw wa ana' daasse piisa qara kuma a kundata'en ke' daasha.”
Nke Ahọpụtara Ugbu A:
Mataafa Uumata 28: MaQu
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mataafa Uumata 28
28
1Hisaaqi ka Yayqoopi hale ka ishi' sake. Ka ishi dehaame ka kide, “Tuparra Kene'aani oppa in heman. 2Ma aane ka tika apuyyaataayshina a Paatu'eli opa piita Mosoppotaamiya opa aane. Ka eyyeeyye tuparra a apuyyaataayshina a Laapa oppa takka heme. 3Waaqase we' piisa ettaninno, a ke' sako, Meeraayti ka saaro, sanynyeetaayti ka koopto. 4Ka akka Aprihaami' sake mina'e ke ka sanynyeetaayti' saka. Ka piitase a xatta a Aprihaami' daashe, atti ka kalaytuma oppa kallaannitto, xaayti koddita.”
5Hisaaqi oori asse Yayqoopi erke. Ikka piita Mosoppotaamiyaati Laapa inna Soorittase a Paatu'eli kapoopa aane. Laapa'ew, alawa Ripiqa, a aayya opa Yayqoopi isho a Eesaawi.
Eesaawi iskatteeta pila'e hemeew
6Eesaawi ete akka Hisaaqi Yayqoopi' sake ka piita Mosoppotaamiya opa erke ka ishi' kide, “Tuparra Keni'aani oppa in heman,” 7Yayqoopi ka Aappaaysho isho Aayyaassoti ajajame ka piita Mosoppotaamiya opa aaneeyye, 8Aappaaysho kuli ka iskatta Kene'aani' jaalanni in kinnin upnaadeeyye, 9inna Aprihaami Isma'eeli kapopa aane ka iskattase' xaadi a deyyo' qara'e, Maahilaati enenta Isma'eeli heme. Isheetta alawta Napaayoti.
Olsa Yayqoopi
10Yayqoopi ete Persaapeyye xa'e ka Kaaraanipa annooyye, 11letta ka poroppa' qara' dumte, ikka poroose oppa'ew daka matta' kodade ka qara' muke. 12Ka olsaanne, qoyra fayyuma a piite xa'e ka moonta kaye akke. Ka erkampattowwa a Waaqa a qudandela fayyanna ka quda xata lekkanna akke. #Yoha 1:51 13Ikka akka Yaahiwwe isha kapa' qa'ade ka ishi' kiino'e, “Anti an Yaahiwwe, an Waaqa aappadaassina a Aprihaami ka an Waaqa Hisaaqi. Piisse a are oppa' mukte, ke ka sanynyeetaayti'in daasha. #uuma 14:15 14Sanynyeetaayti akka hinkaajjeta daka kela' mina'en leksha, ishootta ka piita piisa qara piran. Orra piita qara co piisa ka ke ka sanynyeetaayti minan saka akkada. #uuma 12:3; 22:18 15Tooy! anti ke ollin caada ka pora oppopa annitto pisa oppa ke tooyta ka piisse are kitto oppopa nakaytan ke oorsha. Xaxa an ke' kale piisa in ke' dikkesha, umma alle an ke an diisho.” Olsaappan akke.
16Yayqoopi ete mukittaappa impaseeyye ikide, “Ata ana in upnaannini ma, Yaahiwwe dukaata'e areppaayye ca.” 17Ka akata tammaqe ka kide, “Ata porose atta orra fuurinni. Porose are co asu tika Waaqa ka xarra moonta.”
18Yayqoopi ka parri paraappan xa'e ka dakase a matta' kodade poroose oppa' dishe ka qara' sayteeta a ekertoppa kodamte tuqe. 19Ka poroseti “Peteli” Kide ka maxxa ishi' kode. Maxxa katamooseneti xattaayye Loosa kidammi. #28:19 peeteeli afaa iprutinni “tika Waaqa” kideeta.
20Sekkammaayye Yayqoopi Waaqa tura'e kalsha lelade ka kide, “Oton ana olli' caatta ka ana tooytita ka waan dama ka an uwwisada ana' daassaayye, 21ka tika aappinno opa nakaytan ana tiitassaayye, atti Yaahiwwe Waaqiyyo' koddita. 22Porose an are oppa dakoose qaatishe nefo, pora oppa ke saksannaane kodda. Anti'iw wa ana' daasse piisa qara kuma a kundata'en ke' daasha.”
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye