Mataafa Uumata 29
29
Yayqoopi akka tika Laapa' kaye
1Yayqoopi anta'e qapadeew ka piitase qinda piirtotatin kitto kaye. 2Ka lakoppa'e, ela pisha a sikimaya karaayye faaka iksannaan akke. Elase kapaayye xellowwa kahirra'e pora sessa oppa eeyye kapa' qa'en. Daka eloose qara' dufnaan nefo ikutti. 3Oto xellowwa piisa deena oli kayaneeyye, sikimaya dakase'e elase tura panni ka kaharra' pisha toohini ka oto xellowwa piisa faakaneeyye, dakase elase tura' dufniiw.
4Yayqoopi ka sikimayasene ela kapa ca kaassade ka kide, “Moottadaayyo! Ata ishina aysha' deeten?” Ishootta ka kidene, “Kaaraaniiyyin deene.”
5Ikka ishootta' kide, “Hela iLaapa oopa a Naahori uptane?”
Ishootta ka kidene, “In upna.”
6Ikka kide, “Hela isha nakaytaaw qapa?”
Ikka kidene, “Nakaytaaw qapa; tin laadi enentaadi Raaheeli eeyye desa kahirraan deeni.”
7Yayqoopi ka ishootta' kide, “Letta in dehan ka kalissa in kayneey, pisha a ikissan ka deettaappan desa a' qultane.”
8Ishootta ka kidene, “Haka sikmaya oli kapa' de'an maliiyyi daka ela qara paneeta ka pisha ikissa opa ettaninni in caan ma, oto olikayaneeyye, takka'en dakoose ela tura panninna ka faaka ikinninna.”
9A Yayqoopi sikmayasene olli torraannooyye, Raaheeli kahirra faaka' de'inni ka elase kapan kayte, isheetta sikmayteeta kahirra. 10Yayqoopi ete isheetta ka kahirra apuyyaataayshoti akke, elase qaropa aane ka dakase tura' dufen qara pane ka kahirrasene a apuyyaataayshoti pisha ikishe. 11Ka oori Raaheeli dinke. Qoota akata xasoode malla, ilmaama urqishe. 12Ka isheetta' kide, “Ha anti an inna Ripiqa, a alawta aappaayshinati.” Isheetta ka oori aappaayshoti' lela' keerte. 13Laapa ete akka inna alawtaadi Yayqoopi' de'e dakayeeyye, jarjartanne turopa keere. Ka isha hadduune ka oli dinken. Ete ollin tikopa kaleneeyye, Yayqoopi wa kodde piisa ishi' torre. 14Laapa ka Yayqoopi' kide, “Ha ino an diika takka.” Yayqoopi ka leya takka mina' co isha kapa' jare.
Yayqoopi Liyya ka Raaheeli malla Laapa kela yaale
15Laapa ka Yayqoopi' kide, “Kadin punu fira koddineeyye asseew pattayya ana koda kodeeta in paxaaraneey, yaalaayti kapa'e, maanan ke' daasha?” 16Laapa tuparra lakki qapa. Enenta a kutta Liyya, a shakka'ew Raaheeli kidammi. 17Liyya ilta shiiqinni ma Raaheeli xoori akatan xarjaallitteeta ka paxaari.
18Yayqoopi qoota Raaheeli akata jaalade malla, iLaapa' kide, “Oton Raaheeli' hemitta ana' daanniiyyi, para tappan kapa ke koda koda.”
19Laapa ka kide, “An nama pilaati' daasho kapa, an ke' daasho wayyiiy, are ana kapa'ew kallaado” 20Yayqoopi ka Raaheeli hema malla, para tappa Laapa kela koda kode. Isha' qoota akata Raaheeli jaalade malla, parrasene we isha in pahanaanne.
21Yayqoopi ka oori Laapa' kide, “Parrasene an olli' qapne ikayeneey, enentase an hemo ana' daashe, an ka ollin kallaata paayyino.” 22Laapa ka sankulta hemattoota' kode ka orra kantoppa co piisa oppopa hale. 23Ma xoori ete halkeettaawteeyye, Laapa Raaheeli kapa Liyya Yayqoopi' daashe, ikka olli muke. 24Laapa ka orxayaadi a tuparra oppa Liyya'e, Siilfa orxuma' daashe. 25Ete parite, Yayqoopi ka enentase a olli muke akka Liyya koddite upnaadeeyye, Laapa kapopa aane ka kide, “Ata atta ana koote? Waan malla ke kela koda kode Raaheeli hema mallanne? Xawwi maana'e ana sassapatte?”
26Laapa ka ishi' kide, “Enenta a kutta kapaayye a shakka hemitta' daasheeta aata piitinno oppa in kitto. 27Amma kapaaye tapposen a kooranta takkan pire ka Raaheelin ke' daashaay, akka para tappa kapa ana koda kodeew,”
28Yayqoopi ka awsade ka torpa takkan Liyya kapa' pire, Laapa ka Raaheeli ishi' daashe ikka hemeew. 29Laapa ka orxayaadi a tuparra oppa Raaheeli'i, Paalla orxuma' daashe. 30Yayqoopi ka Raaheeli olli muke ka a Liyya qaran qapto'e, akata Raaheeli jaalade. Ka kapa para tappa Laapa' koda kodeew.
Hellaa Yayqoopi
31Yaahiwwe ete akka Liyya' needdatamte akkeeyye, akka xaayto'e kode. Raaheeli xoori xaayni in kitto. 32Liyya ka inna hitte ka inna diirta' xaayte. Ka kiite, “Yaahiwwe irakkootiyyo akkeey, amma desa diirtiyyo i'ana jaalada.” Ka maxxa ishi' koote ka kiite Roopeeli. #29:32 Roopeeli 33Ka amma nefo hitteew ka inna diirta' xaayteew ka kiiteewwe, “Yaahiwwe akkan needdatammo akke ka innoosen ana' daasheew.” Ka maxxaadi Simooni kiite. 34Ka amma nefo hitte ka inna diirta' xaayteew ka kiite, “Hellaa diira sessan diirtiyyo' xaayeey, amma oori ana kapa in sekaado” Ka maxxa ishi' koote ka kiite “Lewwi.” #29:34 Lewi Lewi kideeta asse kideeta 35Ka amma nefo hitteew ka inna diirta' xaayteew. Ka kiite, “Amma oori Yaahiwwen kalataysada.” Ka maxxaadi Yihuta kiite ka oori xaaya qaatisse.
Nke Ahọpụtara Ugbu A:
Mataafa Uumata 29: MaQu
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mataafa Uumata 29
29
Yayqoopi akka tika Laapa' kaye
1Yayqoopi anta'e qapadeew ka piitase qinda piirtotatin kitto kaye. 2Ka lakoppa'e, ela pisha a sikimaya karaayye faaka iksannaan akke. Elase kapaayye xellowwa kahirra'e pora sessa oppa eeyye kapa' qa'en. Daka eloose qara' dufnaan nefo ikutti. 3Oto xellowwa piisa deena oli kayaneeyye, sikimaya dakase'e elase tura panni ka kaharra' pisha toohini ka oto xellowwa piisa faakaneeyye, dakase elase tura' dufniiw.
4Yayqoopi ka sikimayasene ela kapa ca kaassade ka kide, “Moottadaayyo! Ata ishina aysha' deeten?” Ishootta ka kidene, “Kaaraaniiyyin deene.”
5Ikka ishootta' kide, “Hela iLaapa oopa a Naahori uptane?”
Ishootta ka kidene, “In upna.”
6Ikka kide, “Hela isha nakaytaaw qapa?”
Ikka kidene, “Nakaytaaw qapa; tin laadi enentaadi Raaheeli eeyye desa kahirraan deeni.”
7Yayqoopi ka ishootta' kide, “Letta in dehan ka kalissa in kayneey, pisha a ikissan ka deettaappan desa a' qultane.”
8Ishootta ka kidene, “Haka sikmaya oli kapa' de'an maliiyyi daka ela qara paneeta ka pisha ikissa opa ettaninni in caan ma, oto olikayaneeyye, takka'en dakoose ela tura panninna ka faaka ikinninna.”
9A Yayqoopi sikmayasene olli torraannooyye, Raaheeli kahirra faaka' de'inni ka elase kapan kayte, isheetta sikmayteeta kahirra. 10Yayqoopi ete isheetta ka kahirra apuyyaataayshoti akke, elase qaropa aane ka dakase tura' dufen qara pane ka kahirrasene a apuyyaataayshoti pisha ikishe. 11Ka oori Raaheeli dinke. Qoota akata xasoode malla, ilmaama urqishe. 12Ka isheetta' kide, “Ha anti an inna Ripiqa, a alawta aappaayshinati.” Isheetta ka oori aappaayshoti' lela' keerte. 13Laapa ete akka inna alawtaadi Yayqoopi' de'e dakayeeyye, jarjartanne turopa keere. Ka isha hadduune ka oli dinken. Ete ollin tikopa kaleneeyye, Yayqoopi wa kodde piisa ishi' torre. 14Laapa ka Yayqoopi' kide, “Ha ino an diika takka.” Yayqoopi ka leya takka mina' co isha kapa' jare.
Yayqoopi Liyya ka Raaheeli malla Laapa kela yaale
15Laapa ka Yayqoopi' kide, “Kadin punu fira koddineeyye asseew pattayya ana koda kodeeta in paxaaraneey, yaalaayti kapa'e, maanan ke' daasha?” 16Laapa tuparra lakki qapa. Enenta a kutta Liyya, a shakka'ew Raaheeli kidammi. 17Liyya ilta shiiqinni ma Raaheeli xoori akatan xarjaallitteeta ka paxaari.
18Yayqoopi qoota Raaheeli akata jaalade malla, iLaapa' kide, “Oton Raaheeli' hemitta ana' daanniiyyi, para tappan kapa ke koda koda.”
19Laapa ka kide, “An nama pilaati' daasho kapa, an ke' daasho wayyiiy, are ana kapa'ew kallaado” 20Yayqoopi ka Raaheeli hema malla, para tappa Laapa kela koda kode. Isha' qoota akata Raaheeli jaalade malla, parrasene we isha in pahanaanne.
21Yayqoopi ka oori Laapa' kide, “Parrasene an olli' qapne ikayeneey, enentase an hemo ana' daashe, an ka ollin kallaata paayyino.” 22Laapa ka sankulta hemattoota' kode ka orra kantoppa co piisa oppopa hale. 23Ma xoori ete halkeettaawteeyye, Laapa Raaheeli kapa Liyya Yayqoopi' daashe, ikka olli muke. 24Laapa ka orxayaadi a tuparra oppa Liyya'e, Siilfa orxuma' daashe. 25Ete parite, Yayqoopi ka enentase a olli muke akka Liyya koddite upnaadeeyye, Laapa kapopa aane ka kide, “Ata atta ana koote? Waan malla ke kela koda kode Raaheeli hema mallanne? Xawwi maana'e ana sassapatte?”
26Laapa ka ishi' kide, “Enenta a kutta kapaayye a shakka hemitta' daasheeta aata piitinno oppa in kitto. 27Amma kapaaye tapposen a kooranta takkan pire ka Raaheelin ke' daashaay, akka para tappa kapa ana koda kodeew,”
28Yayqoopi ka awsade ka torpa takkan Liyya kapa' pire, Laapa ka Raaheeli ishi' daashe ikka hemeew. 29Laapa ka orxayaadi a tuparra oppa Raaheeli'i, Paalla orxuma' daashe. 30Yayqoopi ka Raaheeli olli muke ka a Liyya qaran qapto'e, akata Raaheeli jaalade. Ka kapa para tappa Laapa' koda kodeew.
Hellaa Yayqoopi
31Yaahiwwe ete akka Liyya' needdatamte akkeeyye, akka xaayto'e kode. Raaheeli xoori xaayni in kitto. 32Liyya ka inna hitte ka inna diirta' xaayte. Ka kiite, “Yaahiwwe irakkootiyyo akkeey, amma desa diirtiyyo i'ana jaalada.” Ka maxxa ishi' koote ka kiite Roopeeli. #29:32 Roopeeli 33Ka amma nefo hitteew ka inna diirta' xaayteew ka kiiteewwe, “Yaahiwwe akkan needdatammo akke ka innoosen ana' daasheew.” Ka maxxaadi Simooni kiite. 34Ka amma nefo hitte ka inna diirta' xaayteew ka kiite, “Hellaa diira sessan diirtiyyo' xaayeey, amma oori ana kapa in sekaado” Ka maxxa ishi' koote ka kiite “Lewwi.” #29:34 Lewi Lewi kideeta asse kideeta 35Ka amma nefo hitteew ka inna diirta' xaayteew. Ka kiite, “Amma oori Yaahiwwen kalataysada.” Ka maxxaadi Yihuta kiite ka oori xaaya qaatisse.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye