Mataafa Uumata 32
32
Yayqoopi Eesaawi turopa anta' harmisade
1Yayqoopi ete Laapa isha kapa tawe, anta'e xa'e ka ete poroppa annooyye erkampattowwa Waaqa ka isha mina de'en. 2Ikka ete ishootta akkeeyye kide, “Ha sede paleeta a oppa Waaqa ka erkampattowwaadi ollin kalan” Ka porooseti' kide “Mahanaayimi.”
3Yayqoopi ka innaasso Eesaawi kapopa piita Etoomiti So'aripa itturan desa erkamampaya erke. 4Ka ishootta dehaame ka kide, “Aana ka poqallaayyo Eesaawi' kida'e, ‘Orxaytaayti Yayqoopi ikiini, ‘Haka ammati'i Laapa kapaawwen kala. 5Ka lo'alla ka kaharra ka telalla isho harrewwa ka orxaya diira isho a iskatta kuli qapnaade. Ka amma akka' xasan ana teyyatto'e, turan desa erkanoosen ke poqallaayyo erkini.’”
6Erkamampayasene ka Eesaawi kapopa aanen ka Yayqoopi kapopa tiitaawen ka kidene, “Innaassin Eesaawi kapopa in anne ka ikka ke teyyattaa'e nama dippa afuri ollin ke turopa deeni.” 7Yayqoopi ka akata tammaqe ka fuure. Ka orra isha olli co oppa lakki' qoote. Ka akkamose mina'ew kaharra ka telalla ka lo'alla isho kaallaappa lakki' qooteew. 8Ka isi karan xata dikade ka kide, “Oto Eesaawi pakoose tura' qate pirooyye, paka kamma kate iqaha ka kela paha.”
9Yayqoopi ka qinsade ka kide, “Waaqa a aappinno a Aprihaami ka Waaqa Hisaaqi, qinseetiyyo dakaye. Yaahiwwe ka kide, ‘Wa paxaara'en ke' kodaay, piitaayshin opa ka daltaytaayti kapopa tiitaawe.’ 10Waaqqo, ana orxaytaayti, tooytotaayti ka jaalalaatti a dukaata a ana' koote helani mina an qanne. An kirra Yurtaanoosi' tuullinooyye uleeta pattan qapa. Amma xoori in lekaade ka kita lakki' qootama kuli kaye. 11Ma innaanno Eesaawi akka in deenin ka aayyada ka hellaa olloppa' pira'e ana qara in xaanini'i, Waaqqo anan pahe. 12Waaqqo, sede a' kiite'e, ‘Wa paxaara'en ke akkisha ka sanynyeetaayti a hinkaajjeta mina lekisha,’ dikado.” #uuma 22:12
13Yayqoopi halkeessetiiyyi eeyyeew muke. Ka parriiyyi, wa qapa piisa qara Eesaawi'i arrayta reexe ka harmishe. 14Telalla dippa lakki ka qolpaya kunda lakki ka kaharra dippa lakki ka laahadda kunda lakki 15ka kaalla a luukinna kunda sessa nyelqaasso ollinni ka okkaya kunda afuri ka xormada kudan ka akkootewwa harrewwa kunda lakki isho watalla harrewwa kudan reexe. 16Ka xelloota xelloota oppa qoote ka kapa' sikmaya kite ka ishootta' kide, “Xelloota takka xelloota pila kapa sekaysha ka ana turopa tarpisha ka qula.” 17Ka sikmaya a xelloota a tura' qannitto qullaati' kide, “Oto innaanno Eesaawi ishin mina poroppa de'o ka kiino, ‘Ishina a orra aysha? Ka ayshopa annittan? ka sene horeeta ayno' qullittan?’ 18Ishi' kida'e, ‘Horeese, horeeta a orxaytaayti a Yayqoopi. Arrayta'e ke poqallaayyo erke ka isha nefo eeyye ino kamma desa deeni.’ 19Ka a kamma' qate ka a xelloota sessatta' qulla ka a kela hase piisa'e, sedeew dehaame ka kide, ‘Ishina kuli oto ishin mina de'ooyye asseew kida.’ 20Ka xawwi' desa ‘Orxaytaayti Yayqoopi are ino kamma desa deeni kida an teyman.’” Wa malla asse kode, idikade ka kide, “An anti isha kapa an kaynin turanne oto arraytose isha qara kayooyye inaha ka xasan ana teyyada.” 21Ka ete arraytase itturan desa erke kamma isha porose a deenaane oppa' safaren oppaayyeew muke.
Yayqoopi Waaqa oli soote
22Yayqoopi ka halkeessetiiw xa'e ka iskattaadi lakki ka orxaya a iskatta lakki ka hellaadi kudanka takka qeede ka kirra Yaapoqi' tuullishe. 23Ka ete ishootta tuullishe kammaayye, wa apari qapa piisa tuullishe. 24Ma xoori isha xawwaatiiyyi, afa disiiti' hase.
Sekkammaayye nama takka ka haka parinitto isha soonni rafe. 25Namase ete Yayqoopi puta malaaleeyye, tapayta tafa'e tupa toome. Kupeetta ka Yayqoopi tupa qishshaamoode, kupeettase ka soottasene kela Yayqoopi tupa' masqade. 26Namase ka oori Yayqoopi' kide, “Para iqiteey ana diishe.”
Yayqoopi ka ishi' kide, “A ana' sakto mali an ke an diisho.” 27Namase ka ishi' kide, “Maxxaayti ayno?”
Ikka kide, “Maxxiyyo Yayqoopi.”
28Namase ka ishi' kide, “Amma desa maxxaayti Yayqoopi in kidamo. Atti' qoota Waaqa ka nama sootte ka putte malla, maxxaayti ‘Isira'eeli’ #32:28 Isira'eeli kideeta afaa Ipurutinni isoonni kideeta. kidama.” #uuma 35:10
29Yayqoopi ka isha kaassadeew ka kide, “Maxxaayti ayno kidammiiw?”
Namase ka kide, “Maxxiyyo maana'e' kaassanni?” Ka oori Yayqoopi' sake. #taanynya 13:7-18
30Yayqoopi ka kide, “Ha anti ildaannen Waaqa akke, umma an toone.” Ka poroseti “Bini'eli” kide. 31Yayqoopi ete Bini'eli anta' xa'eeyye, letta ipiirte. Qoota tapayta tafa isha suraawno malla, lokkooti hekkelli. 32Qota tapayta Yayqoopi tupa daysamte maalla, hellaa Isira'eeli haka awweti so'a kupeetta quda' dammi in caan.
Nke Ahọpụtara Ugbu A:
Mataafa Uumata 32: MaQu
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mataafa Uumata 32
32
Yayqoopi Eesaawi turopa anta' harmisade
1Yayqoopi ete Laapa isha kapa tawe, anta'e xa'e ka ete poroppa annooyye erkampattowwa Waaqa ka isha mina de'en. 2Ikka ete ishootta akkeeyye kide, “Ha sede paleeta a oppa Waaqa ka erkampattowwaadi ollin kalan” Ka porooseti' kide “Mahanaayimi.”
3Yayqoopi ka innaasso Eesaawi kapopa piita Etoomiti So'aripa itturan desa erkamampaya erke. 4Ka ishootta dehaame ka kide, “Aana ka poqallaayyo Eesaawi' kida'e, ‘Orxaytaayti Yayqoopi ikiini, ‘Haka ammati'i Laapa kapaawwen kala. 5Ka lo'alla ka kaharra ka telalla isho harrewwa ka orxaya diira isho a iskatta kuli qapnaade. Ka amma akka' xasan ana teyyatto'e, turan desa erkanoosen ke poqallaayyo erkini.’”
6Erkamampayasene ka Eesaawi kapopa aanen ka Yayqoopi kapopa tiitaawen ka kidene, “Innaassin Eesaawi kapopa in anne ka ikka ke teyyattaa'e nama dippa afuri ollin ke turopa deeni.” 7Yayqoopi ka akata tammaqe ka fuure. Ka orra isha olli co oppa lakki' qoote. Ka akkamose mina'ew kaharra ka telalla ka lo'alla isho kaallaappa lakki' qooteew. 8Ka isi karan xata dikade ka kide, “Oto Eesaawi pakoose tura' qate pirooyye, paka kamma kate iqaha ka kela paha.”
9Yayqoopi ka qinsade ka kide, “Waaqa a aappinno a Aprihaami ka Waaqa Hisaaqi, qinseetiyyo dakaye. Yaahiwwe ka kide, ‘Wa paxaara'en ke' kodaay, piitaayshin opa ka daltaytaayti kapopa tiitaawe.’ 10Waaqqo, ana orxaytaayti, tooytotaayti ka jaalalaatti a dukaata a ana' koote helani mina an qanne. An kirra Yurtaanoosi' tuullinooyye uleeta pattan qapa. Amma xoori in lekaade ka kita lakki' qootama kuli kaye. 11Ma innaanno Eesaawi akka in deenin ka aayyada ka hellaa olloppa' pira'e ana qara in xaanini'i, Waaqqo anan pahe. 12Waaqqo, sede a' kiite'e, ‘Wa paxaara'en ke akkisha ka sanynyeetaayti a hinkaajjeta mina lekisha,’ dikado.” #uuma 22:12
13Yayqoopi halkeessetiiyyi eeyyeew muke. Ka parriiyyi, wa qapa piisa qara Eesaawi'i arrayta reexe ka harmishe. 14Telalla dippa lakki ka qolpaya kunda lakki ka kaharra dippa lakki ka laahadda kunda lakki 15ka kaalla a luukinna kunda sessa nyelqaasso ollinni ka okkaya kunda afuri ka xormada kudan ka akkootewwa harrewwa kunda lakki isho watalla harrewwa kudan reexe. 16Ka xelloota xelloota oppa qoote ka kapa' sikmaya kite ka ishootta' kide, “Xelloota takka xelloota pila kapa sekaysha ka ana turopa tarpisha ka qula.” 17Ka sikmaya a xelloota a tura' qannitto qullaati' kide, “Oto innaanno Eesaawi ishin mina poroppa de'o ka kiino, ‘Ishina a orra aysha? Ka ayshopa annittan? ka sene horeeta ayno' qullittan?’ 18Ishi' kida'e, ‘Horeese, horeeta a orxaytaayti a Yayqoopi. Arrayta'e ke poqallaayyo erke ka isha nefo eeyye ino kamma desa deeni.’ 19Ka a kamma' qate ka a xelloota sessatta' qulla ka a kela hase piisa'e, sedeew dehaame ka kide, ‘Ishina kuli oto ishin mina de'ooyye asseew kida.’ 20Ka xawwi' desa ‘Orxaytaayti Yayqoopi are ino kamma desa deeni kida an teyman.’” Wa malla asse kode, idikade ka kide, “An anti isha kapa an kaynin turanne oto arraytose isha qara kayooyye inaha ka xasan ana teyyada.” 21Ka ete arraytase itturan desa erke kamma isha porose a deenaane oppa' safaren oppaayyeew muke.
Yayqoopi Waaqa oli soote
22Yayqoopi ka halkeessetiiw xa'e ka iskattaadi lakki ka orxaya a iskatta lakki ka hellaadi kudanka takka qeede ka kirra Yaapoqi' tuullishe. 23Ka ete ishootta tuullishe kammaayye, wa apari qapa piisa tuullishe. 24Ma xoori isha xawwaatiiyyi, afa disiiti' hase.
Sekkammaayye nama takka ka haka parinitto isha soonni rafe. 25Namase ete Yayqoopi puta malaaleeyye, tapayta tafa'e tupa toome. Kupeetta ka Yayqoopi tupa qishshaamoode, kupeettase ka soottasene kela Yayqoopi tupa' masqade. 26Namase ka oori Yayqoopi' kide, “Para iqiteey ana diishe.”
Yayqoopi ka ishi' kide, “A ana' sakto mali an ke an diisho.” 27Namase ka ishi' kide, “Maxxaayti ayno?”
Ikka kide, “Maxxiyyo Yayqoopi.”
28Namase ka ishi' kide, “Amma desa maxxaayti Yayqoopi in kidamo. Atti' qoota Waaqa ka nama sootte ka putte malla, maxxaayti ‘Isira'eeli’ #32:28 Isira'eeli kideeta afaa Ipurutinni isoonni kideeta. kidama.” #uuma 35:10
29Yayqoopi ka isha kaassadeew ka kide, “Maxxaayti ayno kidammiiw?”
Namase ka kide, “Maxxiyyo maana'e' kaassanni?” Ka oori Yayqoopi' sake. #taanynya 13:7-18
30Yayqoopi ka kide, “Ha anti ildaannen Waaqa akke, umma an toone.” Ka poroseti “Bini'eli” kide. 31Yayqoopi ete Bini'eli anta' xa'eeyye, letta ipiirte. Qoota tapayta tafa isha suraawno malla, lokkooti hekkelli. 32Qota tapayta Yayqoopi tupa daysamte maalla, hellaa Isira'eeli haka awweti so'a kupeetta quda' dammi in caan.
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye