Mataafa Uumata 33
33
Yayqoopi isho Eesaawi akka oli akken
1Yayqoopi ete tooynooyye, Eesaawi a nama dippa afur olli deeno laka desa akke. Ka hellaa qeede ka aayyadaasso Liyya ka Raaheeli isho orxayasene lakki' qoote. 2Ka paayyota'e orxayasene lakki isho hellaasso a xaayene tura' qattishe. Ka Liyya isho hellaadi kamma' qattishe. Ka Raaheeli isho Yoosefi orra piisa kamman oorshe. 3Ka isha' piisa turopa qatte ka tarpe. Ka haka innaasso kapa kayno'e, tappaan xata kide ka matta piitan kaye ka harka ishi' daasade. 4Eesaawi' xoori isha mina desa keere ka hadduune ka dinke ka xasoottaan lakkani ilmaama urqishen. 5Eesaawi ete iskatta ka hellaa eeppa akkeeyye, ikide, “Ata iskattose ka hellosen opa ayno?”
Yayqoopi ka kide, “Sene hellaa a Poqallaayyo xoonaadin ana orxaytaayti' daashe.” 6Sekkammaayye orxayasene lakki ka hellaasso ollin de'en ka isha ulfeessa' matta piitan kayen. 7Kamma'ew Liyya ka hellaadi ka olli de'en ka asseew isha ulfeessen, orra piisa kammaayye Raaheeli isho Yoosefi ka de'en ka akkamose mina'ew isha ulfeessen.
8Eesaawi ka kideewwe, “Xellootose tarpite piisa, a xaame'ew?”
Yayqoopi ka kide, “Sene, poqallaayyo kapan ulfeenan akkadan kide ka ke arrayshe.”
9Eesaawi ka kide, “Innaanno, xayyo an qapa i'ana kayaneey, xaayti a xaaytiiw kodden.”
10Yayqoopi ka kide, “Inna, oton dukaatanne ana jaalanniiyyi arrayta an ke arrayshe teyyado. Jaalalaanne ana teyyatteey, sede an ke akke mikka, akan Waaqa akke minaay. 11Qoota Waaqa xoonaadinni ana' sake malla, kuttayteetan qapaay, a tara ana qaraayye teyyado.” Ka akka qaraayye teyyado'e, akata isha naappade. Eesaawi ka qaraayye teyyade.
12Eesaawi ka kide, “Ana ke tura' qato ka xa'e ka anna.”
13Yayqoopi xoori ikide, “Poqallaayyo, akka hellaa hupna in qapnin i'akkite. Aren horeeta a luukinnitto isho nyalqa kulin isi kela qapnaay, sene kuli dikatta ana parpaaccisini. Oton kuyyaata takka jarjarissaan qulaneeyye, ipiraman. 14Poqallaayyo kadi atti tura' qattita ka anta iwayyi. Anti hakan piita Etoomiti ke poqallaayyo kapa kayno'e, anta nyalqa ka a hellaa kapa'en ekkaysada ka lokkooti aanaay.”
15Eesaawi ka kide, “Orra ana olli co quda in ke' qootta?”
Yayqoopi ka kide, “Hela maana'e? Sede an ke poqallaayyo kapa ulfeena akkaade, i'ana kayta.” 16Eesaawi ka oori awsetiiyyiiw piita Etoomi opa tiitaawa' xa'e. 17Yayqoopi' xoori qinda Sukooti#33:17 Sukootiafaa Ipurutinni shaakka kideeta opa aane. Ka eeyye'e tika qupade ka horeetaadi'i shaakkada kode. Sede malla porose Sukooti kidame.
18Yayqoopi ete piita Mosoppotaamiyaati tiitaweeyye, nakaytanne piita Kene'aaniti katama Sekemi kaye. Ka laka katamoosen mina desa co oppa' kuti'e. 19Ka pora oppa kallaado lakose sanynyeeta Hamorippa aappa opa sekemi qara pirreeta dippan pidde. #Iyya 24:32; Yoha 4:5 20Ka eeyye pora qara' kalisoota Waaqa' kalsho kode. Ka maxxa ishi' kode ka kide, “Eli eloohe Isira'eeli.” #33:20 sede kideeta, “Waaqa, Waaqa Isira'eeli.”
Nke Ahọpụtara Ugbu A:
Mataafa Uumata 33: MaQu
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mataafa Uumata 33
33
Yayqoopi isho Eesaawi akka oli akken
1Yayqoopi ete tooynooyye, Eesaawi a nama dippa afur olli deeno laka desa akke. Ka hellaa qeede ka aayyadaasso Liyya ka Raaheeli isho orxayasene lakki' qoote. 2Ka paayyota'e orxayasene lakki isho hellaasso a xaayene tura' qattishe. Ka Liyya isho hellaadi kamma' qattishe. Ka Raaheeli isho Yoosefi orra piisa kamman oorshe. 3Ka isha' piisa turopa qatte ka tarpe. Ka haka innaasso kapa kayno'e, tappaan xata kide ka matta piitan kaye ka harka ishi' daasade. 4Eesaawi' xoori isha mina desa keere ka hadduune ka dinke ka xasoottaan lakkani ilmaama urqishen. 5Eesaawi ete iskatta ka hellaa eeppa akkeeyye, ikide, “Ata iskattose ka hellosen opa ayno?”
Yayqoopi ka kide, “Sene hellaa a Poqallaayyo xoonaadin ana orxaytaayti' daashe.” 6Sekkammaayye orxayasene lakki ka hellaasso ollin de'en ka isha ulfeessa' matta piitan kayen. 7Kamma'ew Liyya ka hellaadi ka olli de'en ka asseew isha ulfeessen, orra piisa kammaayye Raaheeli isho Yoosefi ka de'en ka akkamose mina'ew isha ulfeessen.
8Eesaawi ka kideewwe, “Xellootose tarpite piisa, a xaame'ew?”
Yayqoopi ka kide, “Sene, poqallaayyo kapan ulfeenan akkadan kide ka ke arrayshe.”
9Eesaawi ka kide, “Innaanno, xayyo an qapa i'ana kayaneey, xaayti a xaaytiiw kodden.”
10Yayqoopi ka kide, “Inna, oton dukaatanne ana jaalanniiyyi arrayta an ke arrayshe teyyado. Jaalalaanne ana teyyatteey, sede an ke akke mikka, akan Waaqa akke minaay. 11Qoota Waaqa xoonaadinni ana' sake malla, kuttayteetan qapaay, a tara ana qaraayye teyyado.” Ka akka qaraayye teyyado'e, akata isha naappade. Eesaawi ka qaraayye teyyade.
12Eesaawi ka kide, “Ana ke tura' qato ka xa'e ka anna.”
13Yayqoopi xoori ikide, “Poqallaayyo, akka hellaa hupna in qapnin i'akkite. Aren horeeta a luukinnitto isho nyalqa kulin isi kela qapnaay, sene kuli dikatta ana parpaaccisini. Oton kuyyaata takka jarjarissaan qulaneeyye, ipiraman. 14Poqallaayyo kadi atti tura' qattita ka anta iwayyi. Anti hakan piita Etoomiti ke poqallaayyo kapa kayno'e, anta nyalqa ka a hellaa kapa'en ekkaysada ka lokkooti aanaay.”
15Eesaawi ka kide, “Orra ana olli co quda in ke' qootta?”
Yayqoopi ka kide, “Hela maana'e? Sede an ke poqallaayyo kapa ulfeena akkaade, i'ana kayta.” 16Eesaawi ka oori awsetiiyyiiw piita Etoomi opa tiitaawa' xa'e. 17Yayqoopi' xoori qinda Sukooti#33:17 Sukootiafaa Ipurutinni shaakka kideeta opa aane. Ka eeyye'e tika qupade ka horeetaadi'i shaakkada kode. Sede malla porose Sukooti kidame.
18Yayqoopi ete piita Mosoppotaamiyaati tiitaweeyye, nakaytanne piita Kene'aaniti katama Sekemi kaye. Ka laka katamoosen mina desa co oppa' kuti'e. 19Ka pora oppa kallaado lakose sanynyeeta Hamorippa aappa opa sekemi qara pirreeta dippan pidde. #Iyya 24:32; Yoha 4:5 20Ka eeyye pora qara' kalisoota Waaqa' kalsho kode. Ka maxxa ishi' kode ka kide, “Eli eloohe Isira'eeli.” #33:20 sede kideeta, “Waaqa, Waaqa Isira'eeli.”
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye