Mataafa Uumata 34
34
Sekemi akka hupnan Tinna sootade
1Kuyyaata takkaayye, Tiina, enenta Yayqoopi isase a Liya' xaayte, tuparra piita Kene'aani tooyya'e ante. 2Nama piitose mukinno Hiiwitta Hamori kidammo ka inna Sekemi kidamma' qapa. Sekemi ka ete Tinna akkeeyye, xajeele ka irreetan ishetta sootade ka nyapalshe. 3Isheetta' qoota akata xarjaallitteeta malla, Sekemi dikke isheetta jaalade. Ka akka isheetta isha jaalatto'e, ishetta naappade. 4Ka aappaayshoti' kide, “Enentose ana' qinsado.”
5Yayqoopi akka Sekemi enentaadi tinna nyapalshe dakaye. Ma qoota hellaadi a diira fooreeyye caan malla, haka kallaane'e oppa in oorinne. 6Sekamma Hamoori aappa opa Sekemi ka Yayqoopi olliiyyi torraatta' aane. 7Hellaa Yayqoopi ete kalen ka wa kodde' dakayeneeyye, itatammaqen. Ka Sekemi' qoota wa neeqa' kode ka enentaaysho nyapalissaan hellaa Isira'eeli' jeershe malla, akata miirooden. 8Hamoori' xoori, i'ishotta' kide, “Innaayyo Sekemi akata enentaayshin jaaladeey, ino' daasha ikka hemo. 9Ka kodayteeta hemitta oli tura kodanna. Ishina tuparraanno hema, ino kuli ka a xaayshin hemino. 10Ka ino olli are' kallaada. Piitoose are kitto a xaayshin minaay, qinda a ishina aako piisa oppa' kallaada ka oppa tikumada.”
11Sekemi kuli ka Yayqoopi ka hellaa Yayqoopi' kide, “Oton i''enentaayshin ana daassa salteneeyye, wa ana kiinitane piisan ishina daasha. 12Isheetta patta ana daashama, wa heentane dayeeta kaassada, in ishina daashaay.
13Qoota Sekemi enentaaysho nyapalshe malla, hellaa Yayqoopi wa dikadene isi kare'e qapaden ka qarandesa Sekemi isho aappaaysho Hamoori kidene, 14“Oton enentinnon nama dawra qara in murannini daannaayye, jeera ino kodditaay, a Waaqa wa asse paha ino qara dawro. 15Ma poran ishin olli kallo takka ca. Sede nefo paayyota'e, ke ka diira a piitaayshin oppa ca piisa dawra qara a xanno mina murattan, an ka siti olli kalla. 16Akka tuparraanno hemitan, ino kuli ka a xaayshin hemina. Ka oori samayta takka koddina ka ollin kallaanna. 17Xoori oton waan kiininna'e tiinnittan ka dawra qara a murannin, enentinnon qeedanna ka ishin alle aananna.”
18Wa kidene ka Sekemi isho aappaaysho xasaayshen. 19Sekemi qoota enenta Yayqoopi jaalade malla, wa ishi kidene koda'e kutiitta ishi in deene. Isha aren toolaaysho oppa nama akata ulfeessammo.
20Hamoori isho innaadi Sekemi ka xarra katamaasso oppopa aanen ka orra katamaseneti' kidene, 21“Orrose, orra nakayta'ey a ino olli piisse oppa kallaaden. Piita ipaldi paldi ka ino piisa kaytaay, a oppa aanen ka qinda a ishootta aako oppa kallaaden. Ka tuparraasso hemina, ka a xanno kuli ishootta daanna. 22Ma xoori oton ino a diira kodde'e a xaaysho mina dawra qara murada pattaayye ino olli kallaadan ka ino olli samayta takka koddan. 23Kodatteetaaysho ka wa qapane piisa a xannoow kodditaay, wa kidene oppa salla ikka ino olli kallaaden. 24Diira katamoosene piisa ka wa Hamoori isho Sekemi kidene oppa' salen ka dawra qara muraden.
Akka hella opa Tinna haalota pooyyen
25Ete dawra qara muraden kammaayye, kuyyaata sessattati a orrase qasanqassoota fayka oppa cooyye, hella Yayqoopi lakki, alawweeta Tinna, Simooni isho Lewi a orroose issi qara in upnin mali katamaasso oppopa kullen ka hamiyyaasso piisa leyshen. 26Ka Hamori isho innaadi Sekemi kuli leyshen. Ka Tinna tika Sekemi kara qeeden ka ishin kalen. 27Sekkammaayye, hellaa a Yayqoopi piisa ka katamasene a oppa enentaaysho nyapalte karopa aanen ka tikkasene a orra le'eti' saren. 28Ka kaharra ka telalla ka okkaya isho harrewwa katamaappa ka a lakoppa qapane piisa tura saren. 29Ka wa qapane ka wa tikkaappa ca piisa saren ka iskatta isho hellaasso kuli poojen.
30Yayqoopi ka Simooni isho Lewi kide, “Akka Kene'aaneta isho Fersaata ana xaccisatto'e asse kooten ka qaapa a kokkoka karopa ana kalissen. Ino an shakkayaawweey, oton ino qara'e xa'an ino piisa piran, ana ka tooliyyo ka oori piramma.”
31Ishootta ka kidene, “Hela xawwi enentinno nyapalshen anka asse eeyye' jaw kiina?”
Nke Ahọpụtara Ugbu A:
Mataafa Uumata 34: MaQu
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mataafa Uumata 34
34
Sekemi akka hupnan Tinna sootade
1Kuyyaata takkaayye, Tiina, enenta Yayqoopi isase a Liya' xaayte, tuparra piita Kene'aani tooyya'e ante. 2Nama piitose mukinno Hiiwitta Hamori kidammo ka inna Sekemi kidamma' qapa. Sekemi ka ete Tinna akkeeyye, xajeele ka irreetan ishetta sootade ka nyapalshe. 3Isheetta' qoota akata xarjaallitteeta malla, Sekemi dikke isheetta jaalade. Ka akka isheetta isha jaalatto'e, ishetta naappade. 4Ka aappaayshoti' kide, “Enentose ana' qinsado.”
5Yayqoopi akka Sekemi enentaadi tinna nyapalshe dakaye. Ma qoota hellaadi a diira fooreeyye caan malla, haka kallaane'e oppa in oorinne. 6Sekamma Hamoori aappa opa Sekemi ka Yayqoopi olliiyyi torraatta' aane. 7Hellaa Yayqoopi ete kalen ka wa kodde' dakayeneeyye, itatammaqen. Ka Sekemi' qoota wa neeqa' kode ka enentaaysho nyapalissaan hellaa Isira'eeli' jeershe malla, akata miirooden. 8Hamoori' xoori, i'ishotta' kide, “Innaayyo Sekemi akata enentaayshin jaaladeey, ino' daasha ikka hemo. 9Ka kodayteeta hemitta oli tura kodanna. Ishina tuparraanno hema, ino kuli ka a xaayshin hemino. 10Ka ino olli are' kallaada. Piitoose are kitto a xaayshin minaay, qinda a ishina aako piisa oppa' kallaada ka oppa tikumada.”
11Sekemi kuli ka Yayqoopi ka hellaa Yayqoopi' kide, “Oton i''enentaayshin ana daassa salteneeyye, wa ana kiinitane piisan ishina daasha. 12Isheetta patta ana daashama, wa heentane dayeeta kaassada, in ishina daashaay.
13Qoota Sekemi enentaaysho nyapalshe malla, hellaa Yayqoopi wa dikadene isi kare'e qapaden ka qarandesa Sekemi isho aappaaysho Hamoori kidene, 14“Oton enentinnon nama dawra qara in murannini daannaayye, jeera ino kodditaay, a Waaqa wa asse paha ino qara dawro. 15Ma poran ishin olli kallo takka ca. Sede nefo paayyota'e, ke ka diira a piitaayshin oppa ca piisa dawra qara a xanno mina murattan, an ka siti olli kalla. 16Akka tuparraanno hemitan, ino kuli ka a xaayshin hemina. Ka oori samayta takka koddina ka ollin kallaanna. 17Xoori oton waan kiininna'e tiinnittan ka dawra qara a murannin, enentinnon qeedanna ka ishin alle aananna.”
18Wa kidene ka Sekemi isho aappaaysho xasaayshen. 19Sekemi qoota enenta Yayqoopi jaalade malla, wa ishi kidene koda'e kutiitta ishi in deene. Isha aren toolaaysho oppa nama akata ulfeessammo.
20Hamoori isho innaadi Sekemi ka xarra katamaasso oppopa aanen ka orra katamaseneti' kidene, 21“Orrose, orra nakayta'ey a ino olli piisse oppa kallaaden. Piita ipaldi paldi ka ino piisa kaytaay, a oppa aanen ka qinda a ishootta aako oppa kallaaden. Ka tuparraasso hemina, ka a xanno kuli ishootta daanna. 22Ma xoori oton ino a diira kodde'e a xaaysho mina dawra qara murada pattaayye ino olli kallaadan ka ino olli samayta takka koddan. 23Kodatteetaaysho ka wa qapane piisa a xannoow kodditaay, wa kidene oppa salla ikka ino olli kallaaden. 24Diira katamoosene piisa ka wa Hamoori isho Sekemi kidene oppa' salen ka dawra qara muraden.
Akka hella opa Tinna haalota pooyyen
25Ete dawra qara muraden kammaayye, kuyyaata sessattati a orrase qasanqassoota fayka oppa cooyye, hella Yayqoopi lakki, alawweeta Tinna, Simooni isho Lewi a orroose issi qara in upnin mali katamaasso oppopa kullen ka hamiyyaasso piisa leyshen. 26Ka Hamori isho innaadi Sekemi kuli leyshen. Ka Tinna tika Sekemi kara qeeden ka ishin kalen. 27Sekkammaayye, hellaa a Yayqoopi piisa ka katamasene a oppa enentaaysho nyapalte karopa aanen ka tikkasene a orra le'eti' saren. 28Ka kaharra ka telalla ka okkaya isho harrewwa katamaappa ka a lakoppa qapane piisa tura saren. 29Ka wa qapane ka wa tikkaappa ca piisa saren ka iskatta isho hellaasso kuli poojen.
30Yayqoopi ka Simooni isho Lewi kide, “Akka Kene'aaneta isho Fersaata ana xaccisatto'e asse kooten ka qaapa a kokkoka karopa ana kalissen. Ino an shakkayaawweey, oton ino qara'e xa'an ino piisa piran, ana ka tooliyyo ka oori piramma.”
31Ishootta ka kidene, “Hela xawwi enentinno nyapalshen anka asse eeyye' jaw kiina?”
Nke Ahọpụtara Ugbu A:
:
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye