Luka 17

Yesu ákangirisa era luulu se'bibi ne'bubabalire

(Mat 18:6-7, 21-22; Mar 9:42)

1Yesu era kubura ebanafunzi* bai mbu: Emyasi ye'kushíirisa ebandu mwa bibi ikánaéndekera inátula. «Si emundu ola wáreta emiereko, àli mwânya kanangana. 2Kùngabere kukulu kwo'yu mundu áminyirwe lusho lunene mwe'osi, aúmwe mwa nyanja, wa kutuma mundu muuma mwa bano baeke, áya mwa bibi.

3«Mundaa mwáchilanga kubuya. Akaba munyakenyu àngakuirira chibi, ùmulosaa kwa aírire kubi. Na akaba àngabinduka kutenga mwa bibi byai, umúbabaliraa. 4Akaba àngakuirira mabi kalinda kwa lusuku luuma, anáike kukwěma ebubabalire kalinda, unámubabaliraa.»

Yesu ákangirisa era luulu se'kuata ebwemeresi

5Endumwa* sáburaa Enawetu mbu: «Utúasaa tuáte bwemeresi bunene.» 6Nai mbu: «Akaba mùngaata ebwemeresi, chiro àngaba mbu bùli bueke nga kafuma ke'haratali, mùngabura ono muchi mbu àchishúngulaa mwa chitaka áye kuchishinga mwa nyanja, angánaira ngo'kwa mwàtechire.»

Emuanda ěmire kukorera enawabo

7Yesu era kuhuba kuteta mbu: «Mundu muuma mu mwabo àngaba éte muanda wai ola wénjire wámuingira nesi ámulángira ebifuana byai. Mango oyu muanda àngaba áfuluka era mahwa, enawabo àngamubura mbu aíkiraa kulya? 8Nânga! Àngamubura mbu: ‹Unyítekeraa ebiryo tanga, chasinda twěmbale kubuya chasiya unyěulire. Era nyuma, nao ungálya unámwe.› 9Mwìshi mbu oyu muanda, enawabo àngamubura mbu akoko bushi aíraa ngo'kwa ánamuburaa? Nânga! 10Rero nenyu kubinali bacha. Mango mwáira byoshi bya Ongo aběmire kuira, mundaa mwáteta mbu: ‹Tubano tunáchiberere báanda oshâo. Twaírire bya twabáa tunemire kuira.›»

Yesu álamya babenzi-benzi ekumi

11Mango Yesu ábaa áya eYerusalemu, era kurenga mwa lubibi lwe'chîo che'Samariya ne'che'Kalilaya. 12Ábere era êngirira ku musi muuma, babenzi-benzi ekumi bera kuika kubuanana nai. Bera kwîmanga bure nai,#17:12 Kukulikana no'kwa Mwaso wa Musa atúla àtechire, emundu ola wète bibenzi ábaa atémire kuchifunda ofu ne'banji bandu. Somaa Balawi 13:46. 13na bátangirisa bálakanga mbu: «Enawetu Yesu, utúfiraa bonjo!»

14Yesu ábalólire'ko, era kubabura mbu: «Muyáa kuchilosa era mwe'bakuhanyi.»#17:14 Somaa Balawi 14:2-3. Ábere banáchiri mwa njira báya yi, bera kulama. 15Muuma mubo mango álolaa kwa alámire, era kuhuba era nyuma áenda átonga Ongo na murenge munene. 16Era kufukama era muhondo sa Yesu, ne'buso bwera kunaikirira kwa chitaka, era kumubura mbu akoko. Oyu mundu ábaa Musamariya. 17Yesu kukwera kuteta mbu: «Si babenzi-benzi ekumi bu nalámyaa! Ba banji mwenda ngai u bàli? 18Kutali chiro na unji mubo ola waálukire kuya kutonga Ongo, kureka ono utá Muyuta?» 19Chasinjire, Yesu era kubura oyu Musamariya mbu: «Emàngaa uénde ne'bôlo. Ebwemeresi bwao bwàkulamise.»

Kute eBwami bwa Ongo bukáika?

(Mat 24:23-28, 37-41)

20eBafarisayo* bera kubusa Yesu mbu: «Mangochi mu eBwami bwa Ongo* bukáika?» Era kubǎkula mbu: «eBwami bwa Ongo* butáike nga kandu ka kàseneke'ko. 21Ebandu batátete mbu: ‹Bobuno bùli wano›, nesi mbu: ‹Bobula bùli wála›. Mǔmvaa! Obu Bwami bwera bùli mwa kachi-kachi kenyu.»

22Chasinda era kubura ebanafunzi* bai mbu: «Mungáhonda munyilole'ko nyi Mwana we'Mundu, chiro ku lusuku luuma, si mutányilole'ko. 23Ebandu bangábabura mbu: ‹Mulólaa, wála u'àli› nesi mbu ‹Mulólaa, wano u'àli.› Si Mùtaereresaa mbu mwálibichira'yi. 24Bushi nyi Mwana we'Mundu mango nyikáfuluka, nyikálórekana'ko ngo'kwa chikengu chénde chálorekana'ko kwa nguba ne'kulomekera ebutala boshi. 25Si byěmire nyiríbusibwe busese tanga, ne'bandu ba lwarero bànyinane. 26Kwa byábaa mwa suku sa Nowa, ku bikánahuba kuba mango nyi Mwana we'Mundu nyikáfuluka. 27Bushi mwe'si suku, ebandu béndee bálya na kumwa, béndee báhwera na kuhweribwa, kuikira elusuku lwa Nowa êngiriraa mwa bwato bunene. Chasinda, emwihuso we'meshi era kuika na ásikya ebandu boshi.#17:27 Somaa Ndangiriso 6:5-22; 7:1-23. 28Na kubikanaba bacha ngo'kwa byábaa mwa suku sa Loti: Ebandu béndee bálya na kumwa, béndee báúla na kuusa, béndee báinga na kuimba. 29Si elusuku lwa Loti átengaa eSotomo, Ongo era kutosa muliro ola ulí nga mvula ya lutwa, kutenga kwa nguba. Oyu muliro, era kusikya ebandu boshi.#17:29 Somaa Ndangiriso 18:20-33; 19:1-25. 30Rero, ku bikánaba bacha elusuku lwa nyi Mwana we'Mundu nyikáfuluka.

31«Olu lusuku, ola ukába ulí kwa ngangamo se'nyumba yai, àtachândaliraa mui mbu áya kutola ebikai byai. No'la ukába ulí mwe'hwa lyai, àtachifulukaa kwa wai. 32Mukéngeraa bya byáikiraa muka Loti.#17:32 Somaa Ndangiriso 19:26. 33Ola ukáhonda kulanga ekalamo kai, akáesa'ko. Si ola ukáesa'ko, akába álanga'ko. 34Nábabura kwa: obu butufu, bandu babiri bakába bàonjire ala'uma, muuma àkêkibwa ne'unji akárekibwa. 35Bakasi babiri bakába báshera ala'uma, muuma àkêkibwa ne'unji akárekibwa. [ 36Bandu babiri bakába bákola mwe'hwa liuma, muuma àkêkibwa ne'unji akárekibwa.]»

37Ebanafunzi* bera kubusa Yesu mbu: «Enawetu, ngai u'ene myasi ikábera?» Nai mbu: «Chira chisiki cha chìri mu chirunda, chi enzu sénde sáya kuchilunda'mo.»

Nke Ahọpụtara Ugbu A:

Luka 17: tbt

Mee ka ọ bụrụ isi

Kesaa

Mapịa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye

Mụtakwuo maka Echilaano Chiyayaya

Luka 17

Amaokwu Akwụkwọ Nsọ Ndị Ama Ama siteré na
Luka 17

Geere nke a ntị Luka 17

Akwụkwọ Nsọ:

Tembo

Udi: Echilaano Chiyayaya - tbt

Luka 17

Luka 17

Amaokwu Akwụkwọ Nsọ Ndị Ama Ama siteré na Luka 17

Geere nke a ntị Luka 17

Akwụkwọ Nsọ:

Tembo

Udi: Echilaano Chiyayaya - tbt

Luka 17

Amaokwu Akwụkwọ Nsọ Ndị Ama Ama siteré na
Luka 17