Camba 5
5
Findi gomal ci taambtiɗoh ŋ Aadama po ŋ Noohin
1Inii weɗ naandsuku ŋ Aadama na ɓi rimkoh nga ɗe.
Wa Kooh na fere ɓo', a fer ɓa ŋ mandohaaɗiŋ ɗe haf ce. 2A yi Kooh a ferra ɓa ƴaar na ɓitiɓ a barke'iɗta ɓa, a teekka ɓa ɓo' ŋ noha mbaɗi.
3Wa Aadama pes kiis teemet na kiis ndaŋkiyaah-kaahay (130), a raakka kuɓu ƴaar ya ɓay mandohaaɗaŋ ɗe na ñaamaaraŋ ɗe, a teekka ɗe Set. 4Ŋ finho raakuukaŋ Set, Aadama pesiɗ kiis teemet-yasna-kaahay (800) te a raakisseen ɓi kuɓu ƴaar na ɓitiɓ. 5A kaan wa a raak kiis teemet-yasna-nikiis na kiis ndaŋkiyaah-kaahay (930).
6Wa Set pes kiis teemet na kiis yatuus (105), a raakka kuɓu ƴaar, a teekka ɗe Enos. 7Ŋ finho raakuukaŋ Enos, Set pesiɗ kiis teemet-yasna-kaahay na kiis yasna-kanak (807). A raakisseen ɓi kuɓu ƴaar na ɓitiɓ. 8A kaan wa a raak kiis teemet-yasna-nikiis na kiis ndaŋkiyaah na kiis kanak (912).
9Wa Enos pes kiis ndaŋkiyaah-yasna-nikiis (90), a raakka kuɓu ƴaar, a teekka ɗe Kenan. 10Ŋ finho raakuukaŋ Kenan, Enos pesiɗ kiis teemet-yasna-kaahay na kiis ndaŋkiyaah na kiis yatuus (815). A raakisseen ɓi kuɓu ƴaar na ɓitiɓ. 11A kaan wa a raak kiis teemet-yasna-nikiis na kiis yatuus (905).
12Wa Kenan pes kiis ndaŋkiyaah-yasna-kanak (70), a raakka kuɓu ƴaar, a teekka ɗe Mahalal'el. 13Ŋ finho raakuukaŋ Mahalal'el, Kenan pesiɗ kiis teemet-yasna-kaahay na kiis ndaŋkiyaah-nikiis (840). A raakisseen ɓi kuɓu ƴaar na ɓitiɓ. 14A kaan wa a raak kiis teemet-yasna-nikiis na kiis ndaŋkiyaah (910).
15Wa Mahalal'el pes kiis ndaŋkiyaah-yasna-yino na kiis yatuus (65), a raakka kuɓu ƴaar, a teekka ɗe Yered. 16Ŋ finho raakuukaŋ Yered, Mahalal'el pesiɗ kiis teemet-yasna-kaahay na kiis ndaŋkiyaah-kaahay (830). A raakisseen ɓi kuɓu ƴaar na ɓitiɓ. 17A kaan wa a raak kiis teemet-yasna-kaahay na kiis ndaŋkiyaah-yasna-nikiis na kiis yatuus (895).
18Wa Yered pes kiis teemet na kiis ndaŋkiyaah-yasna-yino na kiis kanak (162), a raakka kuɓu ƴaar, a teekka ɗe Henok. 19Ŋ finho raakuukaŋ Henok, Yered pesiɗ kiis teemet-yasna-kaahay (800). A raakisseen ɓi kuɓu ƴaar na ɓitiɓ. 20A kaan wa a raak kiis teemet-yasna-nikiis na kiis ndaŋkiyaah-yasna-yino na kiis kanak (962).
21Wa Henok pes kiis ndaŋkiyaah-yasna-yino na kiis yatuus (65), a raakka kuɓu ƴaar, a teekka ɗe Matusalem. 22Henok hunee na Kooh. Ŋ finho raakuukaŋ Matusalem, a pessa ŋ ineem kiis teemet-kaahay (300). A raakisseen ɓi kuɓu ƴaar na ɓitiɓ. 23Ina a pes jen wa kiis teemet-kaahay na kiis ndaŋkiyaah-yasna-yino na kiis yatuus (365). 24Henok hunee na Kooh po a hotissuuɗi laam Kooh rapiɗ ɗe rapiɗ ŋ serooce.
25Wa Matusalem pes kiis teemet na kiis ndaŋkiyaah-yasna-kaahay na kiis yasna-kanak (187), a raakka kuɓu ƴaar, a teekka ɗe Lemek. 26Ŋ finho raakuukaŋ Lemek, Matusalem pesiɗ kiis teemet-yasna-kanak na kiis ndaŋkiyaah-yasna-kaahay na kiis kanak (782). A raakisseen ɓi kuɓu ƴaar na ɓitiɓ. 27A kaan wa a raak kiis teemet-yasna-nikiis na kiis ndaŋkiyaah-yasna-yino na kiis yasna-nikiis (969).
28Wa Lemek pes kiis teemet na kiis ndaŋkiyaah-yasna-kaahay na kiis kanak (182), a raakka kuɓu ƴaar. 29A teekka ɗe Noohin#5:29 Tiikiŋ "Noohin" reɓ mand na "eɗfiɗ" ŋ peɗeem heber. te a woosa ne : « Ŋ alki Nikiɗi aluk kehƴi wii, yii a yi na hee eɗfiɗe coonaaniŋ ɓoo ŋ pangki. » 30Ŋ finho raakuukaŋ Noohin, Lemek pesiɗ kiis teemet-yatuus na kiis ndaŋkiyaah-yasna-nikiis na kiis yatuus (595). A nameen raak ɓi kuɓu ƴaar na ɓitiɓ. 31A kaan wa a raak kiis teemet-yasna-kanak na kiis ndaŋkiyaah-yasna-kanak na kiis yasna-kanak (777). 32Wa Noohin pes kiis teemet-yatuus (500), a raakeen kuɓu kaahay, Sem na Haam na Yaafet.
Nke Ahọpụtara Ugbu A:
Camba 5: YM
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Wycliffe Bible Translators, Inc