मती 12
12
आराम ने दाड़ा ने परबू
(मरकुस 2:23–28; लूका 6:1–5)
1तणी वला आराम ने दाड़े ईसु खेतर मा हू थाईनी जाई रेजो तो, ते विने सेला पुक लागी नी वा गऊँ ने कटी तुड़ी-तुड़ीनी खावा लागा। 2फरीसी यू जुईनी वणा हू कय हे, “जू, तारे सेला वु काम करी रेजा हे जियू मुसा ने नियम ने वजूने आराम ने दाड़े करवू हाऊ नीं हे।”
3अणी वात माते ईसुई वणा हू केजू, “हूं तमय नीं पणजू के, दाऊद नी विने हातजी पुक लागे ते वणय हूं किदू? 4वी हूं लिवा परमेसवर ने पवितर तम्बू मा गियो नी परमेसवर सडावजा थकण पवितर रूटा खादा? जियू खावू नीते वणाय नी नीते विने हातजी खावू मुसा ने नियम ने विरोद मा तु। बस वणाय याजकुस खाई हके हे। 5नी हूं तमय मुसा ने नियम मा यू नीं पणजू के, याजकुस मनदिर मा जाईनी आराम ने दाड़े नियम तुडे़ हे, तेबी वी वगर गलती ने ठेहरे हे? 6पण मुँ तमय हू कऊँ हूँ के, निय वी हे जी मनदिर हू बी मुटो हे। 7#मती 9:13अगर तमो इने मतलब जाणता के, ‘मुँ दयाहू राजी हूँ, बलिदान हू नीं’ ते तमो वणय दोसी नीं ठेहरावता जी वगर दोस ने हे। 8केमके, मुँ मनक ने सुरो आराम ने दाड़ा ने बी परबू हूँ।”
हुका आत वाला मनकाय होज करवू
(मरकुस 3:1–6; लूका 6:6–11)
9पसे ईसु विय हू हिड़ीनी यहुदि परातना घेर मा आजो। 10नी जुओ, विय एक मनक तो, जिनो आत हुकाणो थकण तो। नी मनका ईसु माते दोस लगाड़वा ने हारू वणा हू पुसयू के, “हूं आराम ने दाड़े कणाक बिमारे बिमारी हू होज करवू नियम ने वजूनी हाऊ हे या नीं?”
11 #
लूका 14:5
ईसुई वणहू केजू, “मानो, अगर तमय मा हू कणाक कनी एकुस गायरी वे नी वे गायरी आराम ने दाड़े कणाक खाड़ा मा पड़ी जाए ते, हूं तमो वणजी हाईनी बान्णे नीं काड़हो? 12पलू यू हे के, मनक ने किमत गायरी हू कतरी बड़ीनी हे। तणी आराम ने दाड़े पलाई करवी नियम ने वजूने हाऊ हे।” 13तेरे ईसुई वणा हुका आत वाला मनक हू केजू, “आपड़ो आत लाबो कर।”
नी वणाय आपड़े आत लाबो किदो नी विने आत पुरी तरह हू बिजा आत हरको बड़ीया थाई गियो। 14पसे फरीसी विय हू बान्णे जाईनी वणाय मारवा ने हारू मोको जुवा लागा के, वणाय कणी तरह हू मारी दड़अ।
परमेसवर ने अलगो किदो थकण सेलो
15ईसु यू जाणी गियो नी विय हू जातो रेजो। नी मुटी पीढ़ वणा वाहे थाई गई नी ईसुई वणय कईक बिमारी हू होज किदअ। 16नी वणाय सेताड़ीनी केजू के, अणा बारामा मनका हू कईस नकी केवान। 17यू तणी थाजू के, जी वसन परमेसवर ने हाड़े हू बुलवा वाला यसायाय केजू तु, वु पुरू थाए,
18जुओ, “यो मारो दास हे,
जीयो मारो अलगो किदो थकण हे।
यो मारो लाड़ळो हे,
मुँ अणाहुस राजी हूँ।
मुँ मारी ‘आतमा’ अणा माते राकी,
नी वी हेता मनका ने न्याव करहीं।
19वी नीते जगड़ो करहीं, नीते गलजअ मा डाडी करहीं।
नी नीते बजारो मा कणु विने हबलही।
20वी खदेड़जा थका बरूई नीं तुड़हीं,
नी वी नीते अगेड आलता थका दिवाय ओलवहीं,
नी जेरे लगण न्याव जीती नीं लिए।
21नी हेता मनका विने नाम माते आस राकहीं।”
ईसु नी बेलजाबुल
(मरकुस 3:20–30; लूका 11:14–23)
22पसे ईसु कनी मनका एक एवो आदलो नी बुबड़ो लाजअ जणामा बुरी आतमा ती। ईसुई वो होज किदो, नी वी बुबड़ो बुलवा नी जुवा लागो। 23अणा माते हेता मनका कईक सकित थाजअ नी केवा लागअ, “हूं यो दाऊद ने सन्तान हे?”
24 #
मती 9:34; 10:25 पण फरीसी यू हबलीनी केजू, “यो ते बुरी आतमा ने हरदार बेलजाबुल ने मदत हू बुरी आतमा काड़े हे।”
25ईसुई वणने मन ने वाती जाणीनी वणअ हू केजू, “जणा जणा राज मा फुट वे ते वु वकराई जाए हे। इमुस कणाक नगर या घेर जणामा फुट पड़ी जाए ते वु बणजू नीं रेहे। 26अगर सेतानुस सेतान ने बान्णे काड़े ते, वी आपड़े पोता ने विरोद मा थाई जाए ते। विने राज केम करीनी बणजू रेहे? 27पलू थातु, अगर यू हासु हे के, मुँ बुरी आतमा ने हरदार बेलजाबुल ने मदत हू बुरी आतमा ने काडु हूँ, ते तमारे सन्तान किने मदत हू काड़े हे? तणी तमारे न्याव वअस करहीं। 28पण अगर मुँ परमेसवर ने आतमा ने मदत हू बुरी आतमाओ ने काडु हूँ, ते परमेसवर ने राज तमारे कनी आवी पुगू हे।
29“अगर कणुक कणाक तागतवर ने घेर मा पेहिनी विने माल ने सुरी करवा साहे हे, ते पेले वणा ताकतवरे बादी लिए, तेरे पसे वी वणा घेर ने सुरी करी हके हे।
30 #
मर 9:40
“जी मय हाते नीं हे, वी मारे विरोद मा हे। नी जी मय हाते विणतो नीं हे वी वकेरी रेजो हे। 31तणी मुँ तमय हू कऊँ हूँ के, मनका ने हर परकार ने पाप नी बुराई माप किदा जाहीं, पण पवितर आतमा ने बुराई माप नीं किदी जाहीं। 32#लूका 12:10जी कणु मय मनक ने सुरा ने विरोद मा कई वात केहीं, विने पाप माप किदा जाहीं। पण जी कणु पवितर आतमा ने विरोद मा कई के हे, विने पाप नीते अणा जुग मा नी नीते आवणा वाला जुग मा माप किदा जाहीं।
जेवू रूकडू एवू विने फल
(लूका 6:43–45)
33 #
मती 7:20; लूका 6:44 “तमो जाणो हो के, हाऊ फल लिवा ने हारू तमय हाऊ रूकडूस लगाड़वू जुजे। नी खराप रूकड़ा हू खराबुस फल मले हे। केमके रूकडू आपड़े फल हूस ओळकेजू जाए हे। 34#मती 3:7; 23:33; लूका 3:7; मती 15:18; लूका 6:45हे हाप ने सुरे, तमो बुरअ थाईनी हाऊ वाती केम करीनी केई हको हो? केमके जी दिल मा पराईलु हे, वुस मुड़े हू निकले हे। 35हाऊ मनक आपड़े दिल माहू हाऊ वाती काड़े हे, नी बुरू मनक आपड़े दिल मा हू बुरी वाती काड़े हे।
36“तणी मुँ तमय हू कऊँ हूँ के, जी जी बुरी वाती मनक के हे न्याव ने दाड़े हरेक वात ने हिसाब आलवो पड़हीं। 37केमके तु आपड़े पोता ने वातअ ने वजहू वगर पाप ने नी पोता ने बुरी वातअ ने वजहू दोसी ठेहरावजो जाई।”
हरग ने हेलण ने मांग
(मरकुस 8:11,12; लूका 11:29–32)
38 #
मती 16:1; मर 8:11; लूका 11:16 पसे थुड़ाक मुसा ने नियम हिकाड़वा वाला नी फरीसी ईसु हू कय हे, “हे गरू, अमअ तय हू एक समतकार ने हेलण जुवा साहअ ह।”
39 #
मती 16:4; मर 8:12 उतर मा ईसुई केजू, “अणा जुग ने बुरअ नी सिनाली करवा वालअ मनका समतकार ने हेलण जुवा साही हे। पण परमेसवर ने हाड़े हू बुलवा वाला योना ने समतकार ने हेलण सुड़ीनी बिजो कई समतकार ने हेलण नीं आलजो जाहीं। 40नी जेम योना तीन रात दाड़ो मातली ने पेट मा रेजो तो, इमुस मुँ मनक ने सुरो बी तीन रात दाड़ो जमी माय रेई। 41नीनवे ने मनका न्याव ने दाड़े अणा जुग ने मनका ने हाते उटीनी तमय दोसी ठेहरावहीं। केमके वणय योना ने परसार हबलीनी मन बदलजू तु। नी जुओ, निय वी हे जी योना हू बी मुटो हे। 42न्याव ने दाड़े आतमणी ने राणी अणा जुग ने मनका ने हाते ऊबी थाईनी तमय दोसी ठेहरावहीं। केमके वे तरती ने कनारी हू सुलेमान ने उपदेस हबलवा आजी ती नी जुओ, निय वी हे जी सुलेमान हू बी मुटो हे।
बुरी आतमा ने पासू आवणू
(लूका 11:24–26)
43“जेरे असुद बुरी आतमा मनक मा हू निकली जाए हे ते वे हुकी जगा मा आराम हुजे हे, पण वणजी मले नीं हे। 44तेरे पसे वे के हे के, ‘जी घेर मय सुड़जू तु मुँ वणा मास पासी जाई।’ तणी वे पासी आवे हे ते वणजी साफ सुतरू नी हबावजू थकण मले हे। 45पसे वे पासी आवे हे नी आपड़े हाते फेर हात बुरी आतमा ने लावे हे जी वणी हू बी वदार वगड़जी वय। पसे वी हेती आवीनी विय रेवा लागी हे नी वणा मनक ने दसा पेले हू बी वदार डरावणी थाई जाए हे। आज ने अणी बुरी पीढ़ी ने मनको ने दसा बी एवीस थाहीं।”
ईसु ने पाई नी आई
(मरकुस 3:31–35; लूका 8:19–21)
46ईसु पीढ़ हू वाती करीस रेजो तो, नी जुओ, विने आई नी पाई बान्णे ऊबअ त नी व वणा हू वाती करवा साहतअ त। 47कणायेक वणाहू केजू, “तारे आई नी पाई बान्णे ऊबअ हे नी व तयहू वाती करवा साहे हे।”
48उतर मा ईसुई वणहू केजू, “कुण मारे आई हे नी कुण मारे पाई हे?” 49पसे ईसुई आपड़े आत हू सेलो ने हाड़े इसारो करतो थकण केजू, “यस हे मारे आई नी मारे पाई। 50केमके जी कणु मारे हरग बाप ने मरजी माते हिड़े हे, वस मारे सगा पाई बेन नी आई हे।”
Nke Ahọpụtara Ugbu A:
मती 12: WBR
Mee ka ọ bụrụ isi
Kesaa
Lee anya n'etiti ihe abụọ
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023 NLCI
CC BY-NC-ND 4.0