Joni Matangisilo
Matangisilo
Indebo Imbuya yakakwalwa naJoni imwe yewhalo ina muchivumilano chipya inopandulula bupenyu bwaJesu Kristo. Imwe neimwe inowhi, “ivangeli,” zwiva kuti, “iNdebo iMbuya.” Jakakwalwa mushule mokufa kwaJesu naMateo, Mako, Luka naJoni. INdebo iMbuya yakakwalwa naJoni ingaba yakakwalwa nompositoli Joni zwingaba mushule mwamakole makumi mashanu anamakumi mana mushule mokuzwalwa kwaKristo. Kojoba iyo iwhalo isinoleba alo kuti Joni ndiye unkwali, unkwalilo unanga sewhalo yaJoni yokutanga, yabili neyatatu. Bamwe bakwali bantolo banoti Joni wakabegala muguta igulwana lyeEfesu noyo nshaji, nokudalo zwinoboneka sokuti lukwalo lwakakwalilwa muEfesu.
Joni unoleba pachena kuti chinangwa chewhalo yeyi ndichokubhancha banhu kuti bedimbwe kuti Jesu ndiye Kristo, Mwananhulumyana waMwali umpenyu (Joni 20:31). Nokudimbwa yezwi tingaba nobupenyu muzina lilye. Iwhalo yakakwalilwa babali bechiJuda nabasi bechiJuda. INdebo iMbuya yaJoni nejimwe inzila ilosiyana nejimwe iNdebo iMbuya inhatu. Iye wakatokoloja pezwishamiso zwakatiwa naJesu akale aajakakwala zwinji pezhulu pemikwejaniso iye. Zwimwe zwitiko zwilokosha zwinanga sokubhabhatizwa kwaJesu nokukwejwa kukwe mugwegulu azwijilokwalwa muNdebo iMbuya yeyi.
Zwilomumwa
Joni unotanga iNdebo iMbuya muchisiyaniso chotanga 1:1-18
Ekwala pezhulu pezwishamiso zwilosiyanasiyana zwakatiwa naJesu ( Joni 1:19—12:50)
Eleba zwitiko zwinji mubupenyu bwaJesu zwinda kulufu nokumuka kukwe (Joni 13:1—20:31)
Joni unopejisa iNdebo iMbuya muchisiyaniso chamakumi mabili nechimwempela elebeleka noumwe unshaji Jesu paakazwitondejela kubanhu mushule mokumuka kukwe mubafi akale eleba chinangwa chiche chokukwala iwhalo yeyi.
Nke Ahọpụtara Ugbu A:
Joni Matangisilo: LTP
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
The word for The World International