Matay 3
3
palenak za vati na semasuwap i Yohanē
(Maruko 1.1-8; Luka 3.1-18; Yohanē 1.19-28)
1a azu, na semasuwap i Yohanē zuwa i Yodaya kana alalas palenaka za vati. 2marengay i intaw: <<uwasalr pakavekal a, 'alrana adalrep lra mula'esi na kanatal i itras!>> 3i Yohanē mu maw tu nirengay na patralritralri i Isaya izu na trau; marengay na patralritralri:
i alalas ulra a trau 'emuway'uy:
muramawan kani Luzu penadang kanantu dadalan,
temulre'ay papatezelr nantu kakawangan na dalan!
4i Yohanē mikavang kana humulr na rakuda, milunain za kalritr; na inaekan maw na kakeras zi na kawalruwan. 5na zinekalranan kemay i Yērusalem, peniya i Yodaya, zi i Yorudan zinanuman zuwa i ngawayan kantaw. 6pakanumaw kanantu pinamelriyan nazu, zi i Yohanē kazu i Yorudan kana zinanuman semuwap kanazu.
7i Yohanē mena'u za kazuwan na Palisay na trau zi na Satukay na trau kemazu zuwa kiyami za kisasuwap, zi marengay kanazu: <<i inmu nanni na mipadawak na unan! tu sayvang na Viruwa i itras uri raredek lra, kararuwa mi penusar kirevulri kema mu ziyamaw? 8pimanayu na paelrangan puwasay za muasalr pakavekal mu lra. 9amanan mianger za naniyam temuwamuwan i Aburaham zi kararuwa mi penusar kirevulri kana sayvang ikakuwa mianger. marengaya ku kanmu, na Viruwa i itras maruwa melak kananni na varasa' muramawan kani Aburaham demaway za temamuwan! 10iretra' lra na surip kana kawi i rakaz, na 'azi mivavuwa' kana 'inava na kawi mu aeteken peniya, 'a'atelren kana apuy i savakan. 11ku suwapay mu za zanum, temara nu muasalr mu lra; mawmu, na zazuwa i likuzan kaninku izu na sasa mu sasuwap kanmu kana Vangesar Lu'em zi na apuy. maraayawayawan kaninku lra za sazu, arusay za paruveli ku melak tremingatring kanantu kuse mu 'azi ku kirepa'uwa. 12nantu lima melak kana tripe', trematrapu kemirungetr kana emi, melrasez kana emi pusavak i 'alili; na 'etra mu, tu i vavatri'aw kana 'azi ma'a'evut na apuy!>>
kisuwap i Yēsu
(Maruko 1.9-11; Luka 3.21-22)
13a azu mu, i Yēsu kemay i Galili makuwa i Yorudan kana zinanuman mukuwa kirepana'uwa kani Yohanē, maranger kiyasuwap kantaw. 14maranger penulret kantaw i Yohanē, zi kema marengay: <<pauwayanay mu maw ku na kiyasuwap kannu, muveliyas zuwa u miya'a kaninku!>>
15mawmu temuvang i Yēsu kantaw: <<harem mu ta kuwaniyaw mu, 'alrana nu kemani mu maw pakakawang kanantu kiniyaami na Viruwa i itras.>> kemazu zi ai lra kema i Yohanē.
16a kisuwap lra i Yēsu mu, mupana kemay kana zanum i savakan, muramawan kantaw mutruwalr lra na lingatr; mena'u kana Lu'em na Viruwa i itras kamawan kana tutur mulusu, maziyazi kanantu zazek. 17kemazu zi, ulra a lrengaw kemay i itras marengay: <<i ini mu ninku kinalraman na Alrak, misaharan ku kantaw.>>
ទើបបានជ្រើសរើសហើយ៖
Matay 3: TPN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© The Bible Society in Taiwan, 2023