Matay 6
6
venavati za vaveray kana kalramalraman
1<<taranapaw i inmu, ipa'ilring i ngawayan kana trau za penakasa penatezelr ku kema, temuanganger pana'u za trau. nu kemani mu, 'azi mu kararuwa melak za pakasahar kemay kani Ama i itras.
2<<semeneng, nu veray u kana kalramalraman mu, ipalalavat venavusus, kamawan kanazu na kitu'inavanava na trau kazu i waazukan ruma' zi i dadalan tu ikakuda, marangeran kipuitraitras kana trau. marengaya ku kanmu, a kemaazu nazu mu kiveray lra kanantu kararuwayan kiveray na pakasahar. 3nu vaveray u kana kalramalraman mu, ipakalrazami na lima i tarawiri tu kinakuda na lima i tarawalran, 4pauwayanay mu ini maw a muvulri na lremak. kemani mu, izu na maruwa mena'u kannu za kazu kana muvulri na kinazuwan kikarun i Ama i itras 'azika'azi veray za pakasahar kannu.>>
venavati za kiyanun
(Luka 11.2-4)
5<<nu kiyanun mu mu, ikamawan kana kitu'inavanava na trau, sahar kazu i waazukan ruma' zi retrevungan za dalan matikezir kiyanun, temuanganger pana'u za trau. marengaya ku kanmu, kemaazu nazu mu kiveray lra kanantu karuwayan kiveray na pakasahar. 6nu kiyanun u mu, usavak kanannu ruma' i savak, 'alrevi na 'alrevan, kiyanun kana kazu kana muvulri na kinazuwan i Ama i itras. izu na maruwa mena'u kannu za kazu kana muvulri na kinazuwan kikarun i Ama i itras 'azika'azi veray za pakasahar kannu.
7<<nu kiyanun mu mu, ikamawan kana kirekamelri na sinziya kemazu masamasalr kana iniyan za pauwayan na ngay. kema mianger nazu nu tatelraw ziya tu vinavatiyan mu, zi kiyaanger na Viruwa i itras kema. 8ikamawan kanazu kemazu. pakangawayan kananmu kiyanun, nanmu Temama i itras malrazam lra kananmu niranger. 9mawna kemani, kemaniya mu kiyanun:
na niyam Ama i itras:
kiyalriman pakavangesaraw nannu vangesar ngadan;
10kiyalriman kazuwa u demikes mena'u i punapunan;
kiyalriman za mula'esiya nannu nirangeran i dare',
kamawan za mula'esi i itras,
11verayay mi za niyam aekanen harem kana wari#6.11 <<niyam aekanen harem kana wari>> karuwa marengay za <<niyam aekanen nu 'emanan>>..
12lapusay mi na niyam pinamelriyan kannu,
kamawan za niyam nilapusan tu pinamelriyan za trau kaniyam.
13amanan paelepaw mi kana 'azi mi kararuwa semangalr na lralrimaw;
vaawaw mi puwaday kanantu lima na kuwatrengan.#6.13 ulra pidaya maralikuzan a vinavalray za <<'alrana na kanatal, na kezang, na lihu, muravak kannu peniya, patari velretreng. amēn.>>
14nu melapus mu kanantu pinamelriyan za trau, nanmu Temama i itras lalapus kanmu; 15nu 'azi mu melapus kanantu pinamelriyan za trau mu, nanmu Temama i itras kemazu 'azi lalapus kananmu pinamelriyan.>>
venavati kana 'a'iwayan
16<<nu 'ema'iway mu mu, ikamawan kana kitu'inavanava na trau; venavetra' kitukalramalraman nazu, temuanganger meruvuruvu milritra' i mudingan, 'inava mena'uwa a trau za kazu 'ema'iway nazu. marengaya ku kanmu, nu kemaani nazu mu kiveray lra kanantu karuwayan kiveray na pakasahar. 17nu 'ema'iway u mu, harutr zi ri'enup, 18ipana'u kana trau za 'ema'iway u, mawmau pakalrazam kanizu na kazu kana muvulri na kinazuwan i Ama i itras; na maruwa mena'u kannu za kazu kana muvulri na kinazuwan kikarun i Ama i itras 'azika'azi veray za pakasahar kannu.>>
venavati kana pazangal na pinieman i itras
(Luka 12.33-34)
19<<ikawili mepetr za pazangal na pinieman i dare' i inu, 'alrana 'uleday kana 'uled, zi mirarana', zi ulra ziya a male'es tremelrevas kana 'alrevan musavak tremakaw. 20muramawana u mepetr kana pazangal na pinieman i itras i inu; iniyan za 'uled 'emuwatre'utr i kazu, 'azi mirarana' i inu, zi iniyan za male'es za uwasavak tremakaw. 21nannu pinieman na pinakapazangal nu kazu i iyan mu, kazu i kazu nannu anger.>>
na lrawlraw i zazek
(Luka 11.34-36)
22<<a matra kamawan kana lrawlraw i zazek. nu 'inava nannu matra mu, kasenan nannu zazek peniya; 23nu kuwatreng nannu matra mu, ka'aremeng nu zazek peniya. mararesan, nannu senan i savakan nu muvalis 'aremeng, izu na 'aremeng kumuda kana kakaukaud a!>>
na Viruwa i itras zi na pinieman
(Luka 16.13; Luka 12.22-31)
24<<iniyan za trau maruwa kikarun kana zazuwa na tawki. i intaw nu 'azi marasak kanini mu, sahar kaniziyu, mawna kemapazangal mena'u kanini, zi 'azi seme'er kanizu. 'azi mu karuwa pukasa mutu pakarunan kana Viruwa i itras, zi mutu kuli ziya kana paisu.
25<<semeneng marengaya ku kanmu, amanan muramawan za wayway na aekanen, zi za mavangavang za kakavang i zazek. kamelriya lra na uwavaawan 'azi marapazangal kana aekanen, na zazek 'azi marapazangal kana kavang ziyamaw? 26na'uwi na muwavii i lingatr na 'ayam: nazu 'azi semasalem 'azi mara'ani, 'azi maepetr za aekanen i 'alili, nanmu Temama i itras tu tavuray nazu! 'azi mu marapazangal kana 'ayam ziyamaw? 27i savak kanmu i eman na maruwa pakalrang za sipelengan zi puwapuwa vaaw za pida wariyan#6.27 <<puwapuwa vaaw za pida wariyan>> karuwa marengay za <<kaatras za pidaya depalr>>. nay?
28<<kemuda zi muramawan mavangavang za kavang ziyamaw? na'uwi i tralutralun na lruwasa kemuda vaaw ma'izang! nazu 'azi kiyakarun zi 'azi trematra'i za kavang; 29mawmu marengaya ku kanmu, arusay za kamawan kana yawan i Solomon kemazu kana pinazangal mingadan, tu pinimaeman na ipakavulay mu 'azi maravulay kana 'aputr i tralutralun. 30na 'aputr zi na tralun i tralutralun mupana harem kana 'emanan, ma'il nu 'emanan, ivulru' kana 'avuwan muvatri', na Viruwa i itras kemani ziya pakavulay kanazu, i intaw mu kamelriya lra 'azi puwapuwa veray za kavang kanmu ziyamaw? kamakitengan lra nanmu pakutatena'an! 31semeneng, amanan muramawan za aekanan za eman, tremekel za eman, zi mikavang za eman, mavangavang; 32nanni na lremak maw na 'azi kiputatena' na trau tu 'ineva'evang. nanmu Temama i itras malrazam kananmu niranger na eman ziya. 33kiyanguwayan kiyami za mula'esi kanantu pinitrepa tu kezang na Viruwa i itras i inmu, miturus kanantu nirangeran, intaw tu i vaverayay mu kanini peniya. 34mawna kemani, amanan muramawan mavangavang nu 'emanan i inmu, nu 'emanan ulra a kavangavangan; nu sangalraw na vangavangan na saya wari mu maruwa lra!>>
ទើបបានជ្រើសរើសហើយ៖
Matay 6: TPN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© The Bible Society in Taiwan, 2023