Ma-thi-ơ 11
11
1Tuk krung hu tathit pato ka tha pluh dwa anưk xêh bloh, Pô Yê-su niga libik nan, nao pato pakai thong rao lang dalam dôm dhan khol nhu.
Panôic pađao anưd Yâng Bap-tit
(Lu-ka 7:18-35)
2Tuk Yâng dok dalam thang danuh, hamit dôm bruk Dê Krist ngak, nan ka pachai dôm anưk xêh#11:2 dôm anưk xêh: Dalam tha thanôn blah vak tangin nạn dwa anưk xêh. drei mưrai pathau thong Bhô laic: 3“Bhô hu njaup nạn Dê xang mưrai halei, ngan khol dahlak xang cang dê pakan?” 4Pô Yê-su thuuk: “Xang nao lak vơk ka Yâng dôm haget khol hư pang thong ƀôh: 5Mưnuix tagloh bihu ƀôh, mưnuix joh bihu nao, mưnuix khalong bihu hacih, mưnuix langoh bihu hamit, mưnuix mưtai bihu diup vơk, thong mưnuix kathot bihu pang Khao Siam 6Phôl ka urang halei ôh kalman Ita!”
7Tuk khol nhu tabiak nao thang, Pô Yê-su đôm ka Yâng ka bôl bhap laic: “Khol hư nao iơk haget dalam bhum kamrang? Tha phun tabo gok angin mưgei kaic? 8Khol hư tabiak nao piêh iơk kabha haget? Piêh iơk mưnuix cuk ao ghwơh ghang kaic? Dêh, dôm urang cuk ao ghwơh ghang yơ dok dalam mưdhir patao. 9Khol hư gilaic tabiak piêh iơk haget vơk? Hu njaup piêh iơk tha pakat hôr kaic? Njaup, Ita đôm thong khol hư hu mưnuix dok hơl di bih pakat hôr vơk. 10Hu panôic vak ka urang nan laic:
‘Mưni, Ita pachai kaphwari Ita nao di anak Anưk,
Mưnuix mưca dagah jalan dahlau ka Anưk.’
11Biak jơh, Ita đôm thong khol hư, dalam dôm urang kaywa di urang kamei pajiơng tabiak, ôh thei glong banrik hơl di Yâng Bap-tit; yau nan min, urang axit yatha dalam Dit Biya Thôr Riga dok glong banrik hơl ong nan. 12#Lu 16:16.Mưng harei Yâng Bap-tit ka tal urak ni, Dit Biya Thôr Riga ciup di ep tatơk danưh#11:12 ciup di ep tatơk danưh: Ngan nạn gilaic hajiơng danưh., thong ra ep tatơk ưng mưblah mưk dit biya nan. 13Kaywa abih pakat hôr thong hakum jakar krung hu đôm hôr ka tal rai Yâng. 14#Mat 17:10-13; Mag 9:11-13.Mưyah khol hư ưng halar ciup yơ ong nạn Ê-li, êng nạn mưnuix xang mai. 15Thei hu tangi, xang pangik pang!
16Mưca Ita xang pagap rai rak ni thong thei? Rai ni drơh yau dôm rineh xit pak lingiu darak, iêu jāk ayut côi bloh đôm:
17‘Khol dahlak yuk pi, bloh dôm ayut ôh tamia;
Khol dahlak doh kadha padrôi, bloh dôm ayut ôh hia cok?’
18Kaywa Yâng mưrai, ôh ƀang ôh mưnhum yơ mưnuix urang đôm: ‘Yâng gok ajin mưk’ 19Anưk Mưnuix mưrai, ƀang thong mưnhum yơ khol nhu gilaic đôm: ‘Dêh, tha urang jhak ƀang harang mưnhum; cwak ayut thong mưnuix mưk jiư thong ra danuh glaic!’ Yau nan min, gruk jag karag bihu sahadah mưng dôm angak nhu.”
Xayok dôm dhan ôh dial
(Lu-ka 10:13-15)
20Kaywa bôl bhap dôm dhan libik Pô Yê-su krung hu ngak ralô thunau crih jang ôh ciup tumal, nan ka Bhô xayok laic: 21“Lihin din ka hư, dhan Kô-ra-xin! Lihin din ka hư dhan Ƀêt-sai-đa! Mưyah dôm thunau crih krung hu klan di krưh khol hư bihu klan pak Ti-rơ thong Si-đôn yơ khol nhu krung hu cuk ao khan bai bong, đwa habau thong tumal mưng livik pajơ. 22Yau nan Ita đôm thong khol hư, tal harei bican inư, Ti-rơ thong Si-đôn mưca ciup njôl hơl khol hư. 23Dok hư, dhan Ka-ƀê-na-um, mưca hư bihu papôk glong tal thôr riga ô? Ôh, mưca hư gok paglơh trun tal tajôt xala#11:23 tajôt xala: Dalam xap Hi-lap nạn Hades đôm ka camoh ra mưtai mưdok.. Kaywa dôm thunau crih krung hu ngak di libik hư, mưyah bihu ngak pak Sô-đôm yơ dhan nan jang dok kađong tal harei ni. 24#Mat 10:15; Lu 10:12.Yau nan, Ita đôm thong khol hư, dalam harei bican inư, nưgar Sô-đôm mưca bihu bican inư njôl hơl khol hư.”
Khao Siam sahadah ka anưk rineh
(Lu-ka 10:21-22)
25Tuk nan Pô Yê-su đôm laic: “Pathau Amư, Pô thôr riga thong tanưh riya, Dahlak pôk mưyom Amư, kaywa krung hu padaup dôm kabha ni thong ra jag karag, bloh sahadah ka anưk rineh. 26Biak jơh, pathau Amư, kaywa kabha ni bui tian Amư. 27#Yâ 3:35. Yâ 1:18; Yâ 10:15.Amư Ita krung hu jao abih gruk ka Ita, klāk Amư tabiak, ôh thei thau Anưk. Klāk tabiak Anưk thong mưnuix halei Anưk ưng sahadah yơ lijang ôh thei thau Amư.
28Hơic dôm urang ligah ligôi thong anong trak, xang mưrai tom Ita, mưca Ita brei ka khol hư bihu padei gleh. 29Ita hu tian dhi dhau, aneh drei, xang bak mưk ayau Ita, thong baic tui Ita yơ thap xwan khol hư mưca bihu padei gleh. 30Kaywa ayau Ita ƀôn ciup thong anong Ita njôl njaic.”
ទើបបានជ្រើសរើសហើយ៖
Ma-thi-ơ 11: CJM2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.