Matayo 5
5
Yesu nakibhutebeza bhakpa ka gu̱si̱a
1Tolo moti̱, Yesu ndia abhutangia bi̱ya bhakpa, adhaya gua gu̱si̱a naki̱li̱ka gwabhi̱mba. Bhaegi̱ ndibhaki nibhakimwebhingia, 2du̱mbi̱ nakitandika egesabho.
Dhedheluwa sa mazima
(Luka 6:20-23)
Nakigia bhiyo;
3“Bhali na nki̱sa bhenjo bhanako ka mwoyo
nanga kusali̱a ndia gulu ali ndiabho.
4Bhali na nki̱sa bhenjo ndibha bhatu̱ntu̱li̱o
nanga Mambombi̱ aki̱bhu̱si̱ki̱saku̱ mani̱.
5Bhali na nki̱sa bhenjo ndibha bhadhoti̱o,
Mambombi̱ akibhupesi̱a tungo sa nsi poni.
6Bhali na nki̱sa bhenjo ndibha bhali na inja na nyota sa bha nibhagbokiliani̱ nanga bhada ki̱ku̱ta,
Mambombi̱ akibhupesi̱a ndia bhakikabha.
7Bhali na nki̱sa bhenjo ndibha bhali na kobhu̱
nanga Mambombi̱ ada kibhugbelia kobhu̱.
8Bhali na nki̱sa bhenjo ndibha bhali na mulima mabhonga,
nanga bhadakintangia Mambombi̱.
9Bhali na nki̱sa bhenjo ndibha bhaki̱bi̱ki̱saga mpempa kowa bhakpa
nanga bhada kibhugiaku̱ bhani̱ki̱ ndibha Mambombi̱.
10Bhali na nki̱sa bhenjo ndibha bhakibhueni̱sa bhu̱su̱
nanga kola ndia Mambombi̱ akabhi̱o,
kusali̱a ndia gulu ali ndiabho.
11“Bhuli na nki̱sa bhenu̱ ndibha bhakpa bhakibhubbaki̱si̱a na eni̱sanu̱ bhu̱su̱ na onganu̱be kima poni zidhi ndio bhu̱ku̱koli̱ nanga bhu̱ni̱tombi̱ emi. 12Bhudhedheluwe nanga bhuli na kisembo sa mani̱ gulu. Andiahau̱ nesi̱ bhabhueni̱sa bhu̱su̱ bhanabbi̱ ndibhabhi̱be mbu̱sa.
Nku̱wa na bemu
(Maliko 9:50; Luka 14:34-35)
13“Bhuli nku̱wa kowa bhakpa poni. No nku̱wa kasi̱aku̱ suala si̱, okutoka bhoni̱ si̱ki̱si̱ai̱ku̱?
14“Bhuli bemu sa nsi poni nesi̱ tau̱ni̱ ndia bhʼali̱ki̱ gua gu̱si̱a kakitoka kwesomia. 15Toli̱ bhakpa bhakakizigaga tala bhaku̱ngbesi̱a na kigega. Bhuai̱be bhaki̱bi̱saga ka nkondo si̱ andu̱lu̱ azige kowa bhakpa poni ka ndabho. 16Andiahau̱ dhe na bhenu̱, odhuwe bemu ndianu̱ azige andu̱lu̱ bhakpa bhoponi bhazi̱be kima mabhonga ndio okukolaga du̱mbi̱ bhangu̱ki̱se Abanu̱ mindia gulu.
Yesu nakiegesa ndia agbei̱be kilagilo
17“Bhukulukweli̱li̱kana eti ni̱bi̱ki̱ bhuwabe kilagilo ndia Mambombi̱ ampesi̱a Musa na ndia bhanabbi̱ bhaegesa. Ki̱bi̱ki̱ bhuwai̱be, no ni̱bi̱ki̱ moti̱sai̱. 18Bhukanilie eti nsi na gulu naliabe, kalibe kima poni ndia akigalinganabe ka Kilagilo ndia Mambombi̱ ampesi̱a Musa doi̱sa kima poni naenikani̱. 19Nkpa poni mindia ada ki̱u̱mesa moti̱ ka kilagilo toli̱ abhuegesa bhakpa ndibhetolo makanga yeli̱ai̱be kada kibha ntua mani̱ ka kusali̱a ndia gulu. No minjo poni mindia akiyeli̱a ka kilagilo toli̱ abhuegesa bhakpa ndibhetolo yeli̱ai̱be, ada kibha ntua mani̱ ka kusali̱a ndia gulu. 20Nikibhutolia eti, bhuai̱be mulima ndianu̱ nawelikani̱ koli̱sa ndia Bhafali̱sayo na bhaegesi̱ sa kilagilo, bhukuda kubha ka kusali̱a ndia gulu.
Yesu nakiegesabe ki̱ni̱ga
(Luka 12:57-59)
21“Bhuoki̱ nesi̱ bhabhutolia bhakpa kalasi̱o bhiyo; ‘Kolokumuola dako, nkpa poni mindia akikolabhu bhakincuelia musango.’ 22No nikibhutolia eti nkpa poni mindia akingbelia mu̱i̱ki̱li̱za daki ki̱ni̱ga, bhakincuelia musango toli̱ mindia akimbaki̱si̱a mu̱i̱ki̱li̱za daki minjo bhaki̱mu̱i̱sa ka si̱dha-si̱dhana cueliaki musango. Toli̱ nkpa poni mindia akintuwa daki bhudoma, aki̱ya ka kala ndia ka gehena.
23“Kabha noli kaya pesi̱ai̱ku̱ kisembo ndiako kindie bhaki̱su̱mbi̱li̱aga kibhembo du̱mbi̱ okanilia eti mu̱i̱ki̱li̱za dako ali na ndia akusobheleli̱a, 24odhuwe kisembo ndiako menjo, otekete oye osi̱ki̱aneku̱ na mu̱i̱ki̱li̱za minjo du̱mbi̱ osi̱ki̱e opesi̱eku̱ kisembo ndiako kindia Mambombi̱.
25“Nkpa kakunyegela ka koti̱, bhudhakie nsonga injo ndio bhukugodhi̱mbe ka koti̱, nanga bhu̱ku̱ki̱dhaku̱, mindia akunyegeli̱o akukugbei̱sa ncu̱ musango, na ncu̱ musango akugbei̱se mbu̱ndi̱li̱ nkomo toli̱ bhaku̱bi̱se ka nkomo. 26Toli̱ ka mazima nikukutolia eti kokutuka ka nkomo kenjo doi̱sa nosasu̱li̱ mbangana poni ndia bhakucueli̱o.
Yesu nakiegesabe li̱ana
27“Bhuoki̱ nesi̱ bhagia bhiyo; ‘Kolokuli̱ana.’ 28No nikibhutolia eti nkpa poni mindia aki̱nzi̱ba nkali̱ mindia kali mindiaki toli̱ amwegomba ali̱ani̱ naye ka kweli̱li̱kana ndiaki. 29I̱so ndiako sa kuluku kadhuwa nokukola kibi, obhuweku̱ toli̱ omake. Abhongi̱ ofeluwe kicweka moti̱ sa kozo ndiako koli̱sa kozo ndiako poni makai̱ ka gehena. 30Toli̱ kibhoko ndiako sa kuluku kadhuwa nokukola kibi, ozombebe toli̱ omake. Abhongi̱ ofeluwe gbu̱tu̱a kozo ndiako koli̱sa kozo ndiako poni yai̱ ka gehena.
Yesu nakiegesabe mamano ku̱wai̱
(Matayo 19:9; Maliko 10:11-12; Luka 16:18)
31“Bhutodha nibhukuoka nibhakigia bhiyo; ‘Muluku poni mindia akimbiya nkali̱ mindiaki alina paki bbaluwa ndia akiani̱sa nesi̱ ambei̱yo.’ 32No nikibhutolia eti muluku poni mindia akimbiyaga nkali̱ mindiaki bhuai̱be nali nsonga sa li̱ana, akidhuaga nkali̱ minjo abha nali̱ani̱ katodha kamuamana muluku mindietolo, toli̱ muluku mindia amuami̱o dhe akibhaga nali̱ani̱.
Yesu nakiegesabe lahilia
33“Bhuoki̱ nesi̱ bhabhutolia bhakpa ndibhe kalasi̱o bhiyo; ‘Kolokulahilia kitelu no okole nesi̱ omulaki̱sana Sali̱a Mambombi̱.’ 34No nikibhutolia eti, Kolokulahilia bwile poni. Kolokulahilia nokutua gulu nanga andu̱lu̱ mbata sa kusali̱a ndia Mambombi̱ 35kedha nokutua nsi nanga andu̱lu̱ kindia Mambombi̱ akihumulisaga kigu ndiaki. Kolokulahilia nokutua Yelusalemu nanga andu̱lu̱ tau̱ni̱ manyeta ndia Sali̱a Ntua Mani̱. 36Toli̱ kolokulahilia nokutua muhu ndiako nanga kokutoka gali̱a sikamuhu bhai̱ mau̱nda kedha mau̱ka. 37Kobhala obhale kedha nokomi̱ okome, kima poni ndia akoli̱ menjo akibha natu̱ki̱ kindia Sitani.
Yesu nakiegesa ndia agbei̱be kola zidhi nkpa mindia akukoli̱ zidhi
(Luka 6:29-30)
38“Bhuoki̱ eti kalasi̱o bhagia bhiyo; ‘Nkpa kakubhuwaku̱ i̱so, naye bhambuweku̱ ndiaki toli̱ mindia akukubhuwaku̱ mi̱nyo naye bhambuweku̱ ndiaki.’ 39No nikibhutolia eti kolokunkola zidhi nkpa mindia akukoli̱ zidhi. Nkpa kakutali̱ya ka kitama sa kuluku, ogalie na sa kulegu̱ atalie. 40Toli̱ nkpa poni kakunyegela nali kakabha i̱sa sati̱ ndiako, ompesi̱e na koti̱. 41Nkpa poni kakulagilia eti omueki̱se ka gendo sa mai̱lo moti̱, oye namusa dhakia mai̱lo bhali. 42Nkpa kakukunga kima poni, ompesi̱e. Toli̱ nkpa poni kakukunga eti ompesi̱e mu̱nda, kolokukoma.
Kunda bhangi̱gu̱
(Luka 6:27-28, 32-36)
43“Bhuoki̱ nesi̱ bhagia bhiyo; ‘Onkunde dako, no omuyale ngi̱gu̱ mindiako.’ 44No nikibhutolia eti, bhubhukunde bhangi̱gu̱ ndibhanu̱ toli̱ bhunsabe Mambombi̱ abhupesi̱e nki̱sa bhenjo ndibha bhakibhueni̱saga bhu̱su̱, 45andu̱lu̱ bhabhugieku̱ bhani̱ki̱ ndibha Abanu̱ mindia ali gulu; nanga akibhuani̱saga bemu bhenjo bhakoli̱ kibi na ndibha bhawelikani̱o toli̱ akibhupesi̱aga mbu̱la bhenjo ndibha bhakikolaga ndia ai̱ki̱o na ndibha bhakilolaga ndia kai̱ki̱. 46Kobhukunda ndibha bhaku̱ku̱ndi̱o, okubhuwaku̱ kisembo ti̱na? Toli̱ bhaku̱mesi̱ musolo bhakakikolaga ndu̱lu̱ injo? 47Kobhumati̱sa bhalugandako bhokaka, ndibhetolo obhu̱koli̱be eki? Toli̱ bhakafi̱le nabho bhakakikolaga ndu̱lu̱ injo? 48Bhu̱hi̱ki̱li̱ze nesi̱ Abanu̱ mindia ali gulu ahi̱ki̱li̱zi̱o.”
ទើបបានជ្រើសរើសហើយ៖
Matayo 5: KWAMBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc., 2025