Tika Lisano Ya Kopamela Basusu | Eteni 6Mwa ndambo

KOZALA NA NUTU MAKASI TE

Biso mpe tozali bakufi miso? Na oyo etali makambo ya molimo mpe ya bizaleli malamu, Bafalisai bazalaki komimona ete baleki bato mosusu nyonso na mayele, yango wana bazalaki kosepela te ete Yesu apamela bango na makambo ya ndenge wana. Motuna wana ezalaki kaka ya matumoli. Bazalaki kososola te ete Yesu azalaki kolobela kokufa miso ya nzoto te kasi miso ya molimo. Atako bamonaki makamwisi ya Yesu, bazalaki kaka na mitu makasi mpe baboyaki kondima mateya mpe bokonzi na ye.

Yesu apamelaki bango, mpamba te bazalaki bakufi miso na molimo mpe bazangaki boyebi. Bakanisaki ete bososoli na bango ya mayele mpe boyengebene na bango ya bizaleli malamu eleki bososoli ya molimo. Ndeko na ngai, kozala lokola Bafalisai te, ntango ekoki mpo na kondima ete Yesu azali Mwana ya Nzambe mpe kondimela ye elongo na mateya na ye. Ekelamu moko te akoki koyeba makambo mingi koleka Mozalisi na yango. Kotika te ete makoki na yo ya kokanisa mpe ya bizaleli malamu ekosa yo. Kotya motema na makambo oyo ezali komonana libanda to mayele na yo moko ezali mabe mpe ekoki kokosa yo. Kotanga kelasi eleki malamu, kasi ekoki te kozwa esika ya bososoli na yo ya molimo. Bwaka ezalela na yo ya bato ya mayele mpe otika Molimo Mosantu azala koleisa moto na yo ya molimo na liloba ya Nzambe mokolo na mokolo mpe okokola na molimo.

Ntango ozokola na molimo, nzoto na yo ekokufa. Okokoma na mposa makasi ya makambo ya molimo, okobendana mingi na makambo ya Nzambe koleka oyo ya mokili.

Libondeli: Molimo Mosantu, fongola miso ya motema na ngai, Naboyi kozala matoyi mangongi na liloba na yo. Salisa ngai nakola na boyebi mpe nakota mozindo ya makambo ya molimo. Na Nkombo na Yesu, AMEN.

Holy Spirit enlighten the eyes of my heart, I refused to be stubborn towards God’s word. Help me to grow in knowledge and depth insight in the spiritual realm.

Botangi mosusu: Ba Efeso 1:18| Bafilipi 1:9| Numbers 14: 40-45|Kobima 32:9|Ezekiel 11:19| Nzembo 81:11-12