Tika Lisano Ya Kopamela Basusu | Eteni 6Mwa ndambo

KOMIWANGANA

Bafalisai bamipesaki mingi na kopamela basusu na boye ete bazalaki kobika na komiwangana. Ata soki basosolaki te makambo Yesu azalaki koloba, bakomisala lokola bayebi yango mingi koleka ye. Bamonaki ata eloko moko te ye malamu epai ya Yesu mpe na mateya na ye. Bafalisai bazalaki komisala lokola bakufi miso te, elingi koloba ete bazalaki kososola ba nzela ya Nzambe, kasi ezaleli mpe misala na bango emonisaki ete bazalaki bakufi miso na ntina na solo. Bazalaki kowangana kozanga koyeba na bango mpe bazalaki koboya likabo ya Nzambe ya lobiko mpe ya kosikolama, yango wana batikalaki kati na ezalela na bango ya masumu.

Kozala na bomoi ya koboya kondima makambo mosusu ekosala ete otikala kaka ndenge ozali. Soki obongoli makanisi na yo te mpe ondimi bolembu na yo te, oko kende liboso te, okotikala kaka ndenge ozali. Kozala na botosi mpe mposa ya kondima kozanga boyebi makambo ya molimo ezali likambo ya ntina mingi mpo nakozwa lobiko. Komikitisa mpe kondima ete ozangi boyebi na makambo ya molimo yango ezali nzela ya malamu mpo na kozwa lobiko, kosikolama mpe koteyama. Osengeli kozala na komikitisa mpe kondima ete moto moko ateya yo liloba ya Nzambe. Okoki kobikisama bobele soki ondimi bokonzi ya Yesu oyo euti na Nzambe mpo na kobikisa. Okoki te koloba ete ozali moklisto oyo abotami mbala ya mibale, moto oyo atondisami na molimo Mosantu, nzoka ozali kotosa liloba ya Nzambe te.

Mokakatano monene Yesu azalaki nango epai na Bafalisai ezalaki bongo bokosi. Bazalaki ntango nyonso kosala lokola bayebi makambo nyonso. Na libanda bazalaki komonana peto mpe kitoko, nzokande na kati, ebebi. Zala sembo, ndeko na ngai, kotyaka mabunga na yo na mapeka ya bato mosusu te, tyaka likebi mingi na oyo ezali na kati na yo na esika ya kotya likebi na oyo ezali na libanda.

Libondeli: Nkolo Yesu, limbisa ngai mpo na bomoi oyo nalekisaki na kowangana yango na boumeli ya ntango molai, nandimi mabunga na ngai mpe nazali pene ya kosembolama. Nalingi te kotikala kati na ezaleli na ngai ya masumu, nandimi yo lokola mwana ya solo ya Nzambe, mobikisi mpe Nkolo na ngai. Nandimi ete okufaki mpe osekwaki lisusu mpo na kobikisa mpe kosikola ngai. Nazali na mposa mpe na makoki ya koteyama solo, mpamba te bobele solo nde ekopesa ngai bonsomi, na nkombo na Yesu nabondeli mpe nandimi, AMEN.

Botangi mosusu: 2 Timote 3:4| Baefeso 5:2| Bakolosai 3:8| 2 Timote 2:3-4