Oyo etali Ebongiseli

Tika Lisano Ya Kopamela Basusu | Eteni 1Mwa ndambo

MOKOLO 1 NA 3

Kokumisa

Bayekoli bamonaki ete Yesu azalaki moto azalaki kobondela mingi mpe bango bakomi na mposa ya kobondela mingi lokola molakisi na bango; yango wana basengaki ye ete alakisi bango lolenge ya kobondela. Atako eyebani na nkombo ya Libondeli ya Nkolo to Tata wa biso, ezali kaka lolenge ya kobondela oyo Yesu ateyaki bayekoli na ye.

Tata na biso na lola, yango ezali koteya biso ete losambo nyonso ya malamu esengeli kobanda na kondima bokonzi mpe bonene Nzambe na ntango tozali kondima bomoto na Ye ya Likolo. Tosengeli kososola ete tozali kosambela na ba Tata oyo babota biso na nzoto te, kasi na Tata na biso na lola oyo akeseni na Tata mosusu nyonso. Mokumba ya Tata nyonso ezali ya kobokola, kobatela, kokamba mpe kosunga bana na ye, mbala mosusu bomoto mpe mikakatano ya mokili esalaka ete ba Tata mosusu bazangaka kosunga bana na bango kasi Tata na biso ya lola akoki kokweisa biso ata soki moke te. Tosengeli kopusana penepene na Tata na biso na lola na endimiseli ete akoki te koboyela biso eloko moko ya malamu, bokebi na ye ezalaka na ntembe te, azali na makoki ya kosala mingi koleka mpe na koleka nyonso oyo tokoki kosenga to kokanisa.

Bato bakoki koboya yo to okoki kobungisa baboti na yo ya mosuni kasi nalingi koyebisa yo ete ezali na ntina te omiyoka lokola mwana etike mpamba te ozali na Tata na lola oyo alingaka yo mpe amibanzabanzaka mpo na yo butu mpe moi. Na maloba na ye moko Yesu alobaki; Nakotika bino lokola bitike te kasi nakotindela bino Molimo Mosantu, yango wana koya epai na Nzambe te lokola mwana etike to moto ya kokelela te. Mokolo ondimelaki Yesu Klisto, mokolo wana nde okomaki mwana ya Nzambe mpe lokola ozali mwana ya Nzambe, osengeli kobelema na kiti na ye ya bokonzi na mpiko mpe na bondimi, mpo ete ezali kuna nde lisalisi na yo euti. Ozali mokeleli te, kokelela epai ya Nzambe te, kasi senga Ye asala mosala na ye lokola Tata na yo ya likolo.

Tobondeleka Nzambe Tata na nkombo ya Yesu, mpo ete Ye nde azongisaki boyokani na biso na Nzambe, azali nzela bobele moko mpo na kokende epai na Tata, azali moyokanisi na biso mpe afandi na loboko ya mobali ya Tata mpe azali kobondela mpo na biso. Azali molobeli na biso. Yesu alobi na biso; nyonso tokosenga na nkombo na ye, tokozwa yango na nzela ya kondima.

Libondeli: Tata na ngai na lola, natondi yo lelo mpo été moko te azali lokola yo. Nazali na botondi mingi na kozala na yo lokola Tata na ngai ya likolo. Na kosanzola yo libela, na nkombo na Yesu, AMEN.

Makomi

Matayo 6:9

Mokolo 2

Oyo etali Ebongiseli oyo

Libondeli ya Nkolo ezali ndakisa ya Libondeli oyo ezali na mokano ya koteya biso ndenge ya kopusana penepene na Nzambe na limemya, na elikya, mpe na komikitisa. Ezali komonisa ntina ya koluka Bokonzi ya Nzambe, Bolimbisi, mpe libateli, wana ezali biso kondima ete tozali na mposa ya bibongiseli, ya litambwisi mpe ya libateli na Ye kati na makambo nyonso ya bomoi.

Tolingi kopesa matondo mingi na Dennis Mutombo Mpanya mpo na kopesa mwango oyo. Mpo na koyeba makambo mosusu, talá na: https://www.facebook.com/Pastor.Wampayo?mibextid=LQQJ4d

Na ntina ya mobimisi