Zwa applicationTika Lisano Ya Kopamela Basusu | Eteni 1Mwa ndambo
Bokonzi Ya Nzambe
Na verse oyo, Yesu azali koteya biso bayekoli na ye ete tosengeli kosenga mokano ya Nzambe esalema awa na nse lokola esalemaka kuna na lola. Na maloba mosusu, tosengeli koluka liboso Bokonzi ya Nzambe mpe boyengebene na Ye koleka biloko mosusu nyonso. Bokonzi ya Nzambe ezali nini? Ezali boyangeli ya Nzambe kati na mitema na biso mpe awa na nse. Ezali bobele mpo na bokonzi na Ye. Bongo, boyengebene na Ye ezali nini? Bosembo ya Nzambe elimboli ete azali sembo mpe na boyengebene kati na makambo nyonso oyo akanisaka mpe asalaka. Elimboli makanisi mpe misala na ye oyo ezalaka ntango nyonso malamu mpe sembo. Nzambe azali ndakisa ya kokoka na oyo etali bosembo. Okoki te kotya Nzambe na esika ya liboso mpe na nsima okoma moto ya nsuka. Bomoto na ye ya sembo epesi ye nzela ya kozala moto mabe te. Bokonzi ya Nzambe ezali te likambo ya bizaleli malamu, kasi nde ya bosantu. Bosantu ezali na bopusi likolo na moto nyonso oyo azwami sembo na nzela ya kondima. Moto ya sembo amitungisaka nde mpo na kosepelisa Nzambe.
Nzambe alingi ete totya likebi mingi na Bokonzi na ye mpe na boyengebene na ye na esika ya Komitungisa mpo na bamposa na biso ya mokolo na mokolo. Tosengeli kotya matomba ya Nzambe liboso ya bamposa na biso. Tokoki kolonga mitungisi ya mokili bobele soki toluki liboso Bokonzi ya Nzambe mpe boyengebene na ye. Tosengeli kotikela Nzambe nzela ya koyangela kati na bomoi na biso wana tozali kotosa bokonzi na ye na botosi na liloba na ye mpe kondima été Ye azali ntango nyonso sembo mpe na boyengebene. Komitungisa mpe mitungisi esilisaka ata mokakatano moko te, ezali likambo ya kokamwa te été Ntoma Paulo ayebisi biso tomitungisaka na eloko moko te ; kasi na makambo nyonso na nzela ya libondeli mpe na lilombo elongo na matondi tika été masengi na bino eyebana epai na Nzambe. Tosengeli kobondela na kobanga te kasi na botondi.
Libondeli: Nzambe na ngai, batela bomoi na gai. Nandimi été ozali ntango nyonso na elonga mpe na sembo kati na nyonso osalaka. Molimo Mosantu salisa ngai mpe teya ngai kotosa bokonzi ya Nzambe. Napesi bomoi na ngai nyonso na yo, salela yango mpo na nkembo na yo Nkolo, na Nkombo na Yesu Nabondeli, AMEN.
Botangi mosusu: Matayo 6:25-34|Ba Efeso 4:6| Baloma 14:17-20|
Makomi
Oyo etali Ebongiseli oyo
Libondeli ya Nkolo ezali ndakisa ya Libondeli oyo ezali na mokano ya koteya biso ndenge ya kopusana penepene na Nzambe na limemya, na elikya, mpe na komikitisa. Ezali komonisa ntina ya koluka Bokonzi ya Nzambe, Bolimbisi, mpe libateli, wana ezali biso kondima ete tozali na mposa ya bibongiseli, ya litambwisi mpe ya libateli na Ye kati na makambo nyonso ya bomoi.
More
Tolingi kopesa matondo mingi na Dennis Mutombo Mpanya mpo na kopesa mwango oyo. Mpo na koyeba makambo mosusu, talá na: https://www.facebook.com/Pastor.Wampayo?mibextid=LQQJ4d
