Zwa applicationTika Lisano Ya Kopamela Basusu | Eteni 1Mwa ndambo
Bosantu Mpe Nguya
Ntango tozali kokumisa Nzambe, tosengeli kokumisa nkombo na ye mpe oyo eleki ntina, tosengeli kondima bosantu mpe nguya na ye. Yango nde elimboli kosantisa nkombo ya Nkolo. Osengeli kondima ete Tata na yo ya lola azali Mosantu mpe na nguya mpe yango nde ekesenisaka Ye na batata nyonso mosusu awa na nse.
Ntango tozali kokumisa Nzambe, tosengeli kokumisa nkombo na Ye mpe oyo eleki ntina, tosengeli kondima bosantu mpe nguya na Ye. Yango nde elimboli kosantisa nkombo na Nkolo. Osengeli kondima ete Tata na yo na lola Mosantu awa na nse.
Ntango tozali kolobela Bosantu ya Nzambe, tozali koloba été Nzambe azali mpenza peto. Azali na mbindo te na masumu mpe na mabe te, kasi akoki na makambo nyonso mpe azali ntango nyonso malamu. Ntango Ntoma Paulo asengi biso ete tozala bosantu lokola Tata na biso Nzambe azali, yango elingi koloba bobele été tosengeli kokima masumu, mpe eloko nyonso ezali ya banzambe te. Tosengeli kozala bato oyo baponami kaka mpo na mosala ya Nzambe.
Kozala na nguya nyonso elimboli ete Nzambe azali na nguya oyo eleki nguya nyonso, mpe azali na ndelo te mpe akoki te kotyama ndelo na eloko moko to na moto moko. Azali kotambwisa makambo nyonso mpe bato nyonso. Azali na liloba ya nsuka mpe ekateli na ye ekataka makambo. Osengeli kozala na lolendo mpe na elikya ete ozali na Tata ya ndenge ya boye. Nalingi naloba ete, nani aza na mposa ya Tat ya boye te? Mwana nyonso andimaka été tata na ye ya mosuni azali moto oyo aleki malamu, oyo aleki makasi, oyo aleki na bozwi mpe bongo na bongo, kasi bazali bato ya kokoka te mpe bazali na nguya lokola Nzambe na biso te mpo bazali na bolembu mpe bakufaka, na bokeseni na Tata na biso ya likolo oyo azali na bomoi ya seko. Bosantu ya Nzambe ezali ya libela mpe abongwanaka te, nzoka nde bosantu ya bato ezali ya kokoka te mpe esimbami na ngolu ya Nzambe.
Libondeli: Tata na ngai na lola, ozali Mosantu mpe na nguya. Ozali na bokonzi likolo ya bikelamu nyonso mpe na nguya na yo ekoki kokokana na mosusu te. Nkombo na yo ezali Mosantu, Mosantu, Mosantu yo Nzambe ya nguya nyonso.
Botangi mosusu: Emoniseli 4:8|Levitike 19:2|Yisaya 6:3|Ba Ebre’ 12:14|1 Petelo 1:16|2 Bakolinto 7:1|Emoniseli 4:10-11|Yisaya 43:7|Nzembo 34:1-3|Lisese 9:3|
Makomi
Oyo etali Ebongiseli oyo
Libondeli ya Nkolo ezali ndakisa ya Libondeli oyo ezali na mokano ya koteya biso ndenge ya kopusana penepene na Nzambe na limemya, na elikya, mpe na komikitisa. Ezali komonisa ntina ya koluka Bokonzi ya Nzambe, Bolimbisi, mpe libateli, wana ezali biso kondima ete tozali na mposa ya bibongiseli, ya litambwisi mpe ya libateli na Ye kati na makambo nyonso ya bomoi.
More
Tolingi kopesa matondo mingi na Dennis Mutombo Mpanya mpo na kopesa mwango oyo. Mpo na koyeba makambo mosusu, talá na: https://www.facebook.com/Pastor.Wampayo?mibextid=LQQJ4d
