Tobikisami Mpo Na Kosala | Eteni 1Mwa ndambo

MOKANO NA YO EZALI NINI?

Mose azalaki na mokumba ya kobikisa Bayisalaele na Ezipito mpo na komema bango na Kanana, yesu azalaki na mokumba ya longola biso na bokonzi ya molili mpo akotisa biso na bokonzi ya pole. Tokoki kobengama na lolenge ekeseni na makabo ekeseni kasi mosala na biso mozali bobele moko; kosalela Nzambe. Biso banso tokoki te kozala ba pastere to balakisi; kokabola elongo na baoyo bazali na bosenga mpe komibanzabanza mpo na babola ezali mpe kosalela Nzambe.

Na yango, soki nakoki kotuna yo motuna, mokano na yo ezali nini? Kati na makambo nini ozali na mposa makasi ya kosalela Nzambe mpe ntango ozali kosala yango ozali na kimya na motema? Luka koyeba soki obengami na mosala yango mpe soki osali yango, sala yango na motema na yo mobimba, na koyebaka ete ozali kosalela Nzambe kasi bato te. Mingi kati na biso bazali kososola te et tozali kosalela Nzambe na nse ya litambwisi ya bato. Kasi nazali kobondela ete banda lelo, osalela Nzambe na boyebi wana na kati ya makanisi na yo, oyeba ete ezali Ye mpe mpe bobele Ye nde akopesa yo mbano. Bato bakoki kobosana kofuta yo, kasi Nzambe atikalaki na nyongo ya moto te, soki osaleli ye Akopesa yo mbano.

Libondeli: Tata Nzambe, matondo mingi mpo na mawa mpe bolingo na yo, nazali kotatola ete nakosalela yo na sembo mpe na molende makasi nyonso mpo na lokumu ya nkombo na yo. Amen.

Botangi mosusu: Luka 3:10-11| Masese 14:21 | Bakolosai 3:23-14 |