Andinin-tSoratra Masina malaza indrindra nalaina tao amin'ny Salamo 139

Hizara

Midera Anao aho fa mahatahotra sy mahatalanjona ny fomba nanaovana ahy. Mahagaga ny asanao ary fantatry ny fanahiko marimarina izany.

Diniho aho, Andriamanitra ô, ary fantaro ny foko, zahao toetra aho ary fantaro ny eritreritro; zahao na misy lalana mety ahitan-doza ato anatiko, dia tariho amin’ny lalana mandrakizay aho.

Fa Ianao no nahary ny voako; namolavola ahy tao an-kibon’ny reniko Ianao.

Efa nahita ahy ny masonao na dia fony tsy mbola nisy endrika akory aza aho; voasoratra teo amin’ny bokinao avokoa ny andro voatendry, fony mbola tsy nisy na dia iray akory aza.

TOMPO ô, efa nandinika ahy Ianao ka mahalala ahy.

Aiza no hialako amin’ny Fanahinao? Aiza no handosirako tsy ho eo anatrehanao?

Ianao no mahalala ahy na mipetraka aho na mitsangana sady mahafantatra ny hevitro eny lavitra eny.

Fa indro TOMPO ô, tsy mbola eo amin’ny lelako akory ny teny dia efa fantatrao izy rehetra.

Voadinikao aho, na mandeha, na mandry, ary fantatrao tsara ny alehako rehetra.