Andinin-tSoratra Masina malaza indrindra nalaina tao amin'ny Salamo 139

Hizara

Midera Anao aho fa nataonao ho zava-mahatalanjona tokoa; zava-mahagaga ny asanao ary ekeko mihitsy izany.

Andriamanitra ô, diniho aho ka fantaro ny foko; zahao toetra aho ka fantaro eritreritra. Jereo raha miroso amin’ny làla-mampidi-doza aho, dia tariho hizotra amin’ny sori-dàlanao hatrizay.

Ianao no nahary ny saina amam-panahiko sy namolavola ahy tao an-kibon-dreniko.

Tsy mbola nisy endrika aho no efa hitanao; voasoratrao tao amin’ny bokinao avokoa ireo andro voatendrinao hiainako, talohan’ny tsy mbola nisiany akory.

Tao amin’ny tahirin-kiran’ny filohan’antoko-mpihira. Salamo nataon’i Davida. TOMPO ô, nandinika ahy Ianao ka fantatrao avokoa ny momba ahy.

Aiza no hialàko lavitra ny Fanahinao? Aiza no handosirako tsy ho eo anatrehanao?

Fantatrao aho na mipetraka na mitsangana; elabe mialoha, dia efa tsinjonao ny hevitro.

Tsy mbola eo am-bavako akory ny teny holazaiko, dia indro efa fantatrao avokoa, TOMPO ô.

Voadinikao aho na mamindra na miato; ary tsy misy miafina aminao ny làlan-kalehako.