TSY HANAN-JAVA-MAHORY IANAO...

“... tsy hanan-java-mahory aho,” (ny Baiboly, Salamo 23:1)

Niatrika fotoam-pahoriana mafy Davida rehefa nenjehan’ireo mpanafika izay tsy nanana afa-tsy tanjona iray: dia ny hamono azy. Izany no nitranga tamin’ny Saoly mpanjaka, rafozany, izay nikasa ny hamono azy imbetsaka. Nialona azy izay tovolahy mahery fo i Saoly, ary natahotra ny ho very seza fiandrianana. Voatery nandositra imbetsaka Davida ary niafina irery tany an’efitra, indraindray tsy misy rano na sakafo.

Fa Davida dia nijanona natoky fa ny Tompo, izay mpiandry azy, dia hikarakara azy ary tsy mila zavatra hafa izy.

Ny Baiboly dia nanambara “Fa Andriamanitro hahatanteraka izay rehetra tokony ho anareo araka ny hareny amin'ny voninahitra no amin'i Kristy Jesosy.” (Filipiana 4:19)

Ny Andriamanitro dia hahatanteraka izay rehetra tokony ho anareo…

• Araky ny hareny : Ny apostoly Paoly dia nampiasa ny teny Grika “ploutos” eto, izay milaza fahafenoana.
• Amin’ny voninahitra : mba hamaritana ny teny hoe “voninahitra” dia nampiasa ny teny Grika “doxa” i Paoly, izay milaza “fahatsarana, famiratana, toe-javatra be voninahitra, fanjakana ambony indrindra.”
• Ao amin’i Kristy Jesosy : Ny Baiboly dia milaza fa “ary ianareo dia tanteraka ao aminy, sady Izy no Lohan'ny fanapahana sy ny fahefana rehetra,” (Kolosiana 2:10)

Mino izany aho ary ambarako izany amin’ny fiainanao : fa Andriamanitra mandrakizay no mpiandry anao, ary tsy hanan-java-mahory ianao!

Misaotra fa misy ianao

Eric Célérier