TONGA NY FOTOANA MAMELOMBELONA !

“...mitondra ahy eo amoron'ny rano fialan-tsasatra Izy” (ny Baiboly, Salamo 23:2)

Io rano io dia maneho ny Fanahy Masina.

Ny Fanahy Masina dia Olona ao amin’ny Trinity izay manome anao fitiavana, fifaliana, fiadanana, fahari-po, fahamoram-panahy, fanaovan-tsoa sy fahamarinana. (jereo ny Baiboly, Galatiana 5:22)

Tamin’ny namoronana an’izao tontolo izao, ny Fanahin’Andriamanitra dia nanomba tambonin’ny rano.

“Ary ny tany dia tsy nisy endrika sady foana; ary aizina no tambonin'ny lalina. Ary ny fanahin'Andriamanitra nanomba tambonin'ny rano.” (Genesisy 1:2)

Jesosy mihitsy no nametraka mazava tsara ity fampitoviana ny rano sy ny Fanahy ity:

:

“Ary tamin'ny andro farany, izay andro lehibe tamin'ny andro firavoravoana, dia nitsangana Jesosy ka niantso nanao hoe: Raha misy olona mangetaheta, aoka izy hanatona Ahy ka hisotro. Izay mino Ahy, dia hisy onin'ny rano velona miboiboika avy ao an-kibony, araka ny voalazan'ny Soratra Masina. Ary ny Fanahy, Izay efa horaisin'ny mino Azy, no nolazainy tamin'izany; fa ny Fanahy tsy mbola nomena, satria Jesosy tsy mbola niditra tamin'ny voninahiny.” (ny Baiboly, Jaona 7:37-39)

Jesosy, ilay Mpiandry anao, dia tena hitondra anao eo amoron-drano. Tiany ianao ho feno ny Fanahiny mba ho fiderana an’Andriamanitra ny fiainanao. Maniry mafy ny hahita anao ho velombelona sy hohavaozina Izy, mba hahafahanao mitondra fitahiana ho an’ny hafa, tahaka ny onin’ny rano velona izay manondraka ny fiainanao manontolo!

“... mba ho avy izay andro famelombelomana avy amin'ny fanatrehan'ny Tompo, ary mba hanirahany ny Kristy voatendry ho anareo, dia Jesosy,” (ny Baiboly, Asan’ny apostoly 3:19-20)

Izany andinin-tsoratra masina izany no entiko am-bavaka ho anao anio !

Misaotra fa misy ianao!

Eric Célérier