Популарни Библиски стихови од Saŋ 16

Сподели

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

Kaa koy, yaa Yiif le Roog saqna ndigil ne a garkaa, xan a ɗox a nuun no ndigil ne fop, yaam layitkee a xoox um, ndaa ke ta nanna rek, too xan a yegin a nuun kaa fadiidafuleerna.

Boo ndiik nu nqeɗtee gon es. Nqeɗyo, too xan nu ci’el, ndax o ɗaay nuun a ñak sik.»

Ndigil kak layum a nuun toox: Ke moƴna na nuun, um ret, yaam um retangee, o Yaayaal oxe garkee me nuun. Um retangaa koy, xam lultiidin a nuun. Boo ta garna, xan a andnoor adna fee yee na bakaad a ndefu, a lal a den o cofel, a diƈ mbaambir den hate

Nuun itam, nuun wey na naqad, ndaa xan i ndakoox o nga’ir, too a koom nu may fo o ɗaay. O ɗaay olaaga koy, o leng waagkiran o suqit na nuun. A koom nu laamitkatiraam dara. No ndigil, no ndigil, mexe layaa a nuun ee: Nu nqeɗangaa a Faap fee tig no gon es, xan a ci’in a nuun.

No ndigil, no ndigil, mexe layaa a nuun ee: Xan nu loolaa, mbaɗooxaa, adna fee a mbi’in baneex. Kaam ee xan nu ndef na naqad, ndaa koy leng a jega: Xan naqad feene a suptoox o ɗaay.