Ажил үйлсийнхээ төлөө залбирах 7 залбиралЗагвар

Зөвхөн энэхүү долоо хоногийн туршид төдийгүй хойшид ч залбирлыг дадал зуршил болгохын төлөө залбир

Аав аа,

Өдөр бүр Тантай ярилцахад туслаач. Тантай хааяадаа л үг сольдог бол Таны ажлыг хийж байна гэж хэлэхэд бэрх. Бурхан минь, би өөртөө, чадвартаа найдвал Таны хийж чадах зүйлсийн хаана нь ч хүрэхгүй гэдгийг мэдэх билээ. Гуйснаас минь ч, төсөөллөөс минь ч илүүг үйлдээч. Таны өмнө даруу байхад туслаач. Хамгийн завгүй үедээ залбирлаа орхигдуулахаас намайг хамгаалаач. Юуг ч хийж чадах мэт надад санагдсан ч, Танаас хамааралтай гэдгийг залбирал минь харуулаг.

Санаа зовнил минь намайг залбирал руу хөтлөг. Залбирдаггүй зүйлийнхээ төлөө түгшихгүй утгагүй билээ. Тантай өнгөрөөх цаг намайг амар тайван, баяр хөөрөөр дүүргэдэг. Бусад хүмүүст ч Таны амар тайван, баяр хөөр хэрэгтэй. Та намайг амар тайван, баяр хөөр, өршөөл, нигүүлслээрээ дүүргээч. Та л надад өгөхгүй бол бусдад өгөх зүйл надад байхгүй.

Тантай ярилцах тусам Танд итгэх итгэлийг минь өсгөөч. Тантай улам дотно болж, харилцаанд дотроо өсмөөр байна. Зөвхөн Тантай өнгөрүүлсэн хором мөчүүдээр амьдрал минь илүү их байг. Танаас хүсэх өөр зүйл надад үгүй. Та надад аль хэдийн хүртэх ёстойгоос минь илүү ихийг өгсөн билээ. Би зөвхөн Таныг л илүү таньж мэдэхийг хүсэж байна.

Би Танд хайртай, итгэж байна. Амен.

SHE WORKS HIS WAY үйлчлэлийн 7 Prayers to Pray Over Your Work төлөвлөгөөг орчуулан хүргэлээ. Орчуулсан А.Батмөнх болон А.Болор сайн дурын орчуулагч нартаа баярлалаа.

Та манлайлал, удирдлага, хувь хүний хөгжил болон итгэлийн амьдралаа өсгөн хөгжүүлэх контентуудыг https://www.unleashatwork.org/сайтаар орж үзээрэй.