Елиша: Гайхалтай итгэлийн түүхЗагвар

2 Хаадын дэд 13:10-21 дээр Елишагийн амьдрал төгсгөлдөө ирдэг ба хамгийн сонин, агуу гайхамшгаа хамгийн сүүлд нь хийсэн. Елишаг нас бараад оршуулсны дараа Моаб дээрмийн бүлгийнхэн Израйл руу халдах үед хэсэг Израйлчууд нэг хүнийг оршуулж байжээ. Сандарсандаа тэд оршуулах гэж байсан хүнээ Елишагийн булш руу шидсэн. Өнөөх хүн Елишагийн ясанд хүрмэгц амь орсон. Үхсэн хойно ч гэсэн Бурхан Елишаг ашиглан бусдын хэрэгцээг хангахаар тэдний амьдралд гайхамшгийг үйлдэхээ үргэлжлүүлсэн. Елиша бол итгэл, дуулгавартай байдал, зүрх сэтгэл, зоригоор агуу иш үзүүлэгч байсан. Сүхний толгойг хөвүүлсэн, Елиагийн дуудлагаар дуулгавартайгаар тэрэгээ шатаан дагасан, эсвэл үхсэн хойноо ч нас барсан хүнийг амилуулсан ч бай Елиша бол ямар ч эргэлзээгүй Библи дээрхи хамгийн дурсууштай хүмүүсийн нэг.

Бид хойш суухаа больж Елиша шиг болох цаг болсон. Энэ дэлхийд үл ойлгогдох эрсдэл болон шийдвэрүүдийг гаргах цаг болоод байна. Байгаа зүйлээ орхин агуу итгэлээр амьдрахын тод жишээ бол Елиша юм. Хэрвээ байгаа зүйлээ Бурханд бүгдийг нь өгч чадвал Тэр таны боломжгүй гэж бодож байсан зүйлсийг ч таны амьдралд хийж чадна. Бүх зүйл танаас шалтгаална. Елишад байсан шиг агуу итгэлтэй болохын тулд ямар алхмыг та хийх хэрэгтэй байна вэ?