San Lucas 9 मधील लोकप्रिय बायबल वचने

सामायिक करा

Niman nochimej okinmijlij: —Tla yakaj kineki nouan yas, ma kelkaua nochi on tlen más kintlasojtla, ma nemi listo para tlajyouis mojmostla noso mikis nopampa, niman kemaj ma uajla nouan.

Yejua in nemechijlia pampa yejuan kinekis kimakixtis inemilis ipan in tlaltikpaktli, kipolos ialma, pero yejuan san nopampa kipolos inemilis ipan in tlaltikpaktli, yejua kiselis nemilistli para ialma.

Pero Jesús okijlij: —On yejuan peua yau nouan niman noteltia, nemi ken sen tlakatl yejuan peua tekiti ika on tepostlaxoponajli*, niman kemaj ikuitlapan on tlacha. On yejuan ijkon kichiua xitlaj* ika uelis tlapaleuis kampa Dios tlamandaroua.

¿Tlinon ika kipaleuis sen tlakatl tla kinoyaxkatis* nochi tlen onkaj ipan in tlaltikpaktli niman sano yejua popoliuis noso noxoxotonis?

Tla yakaj tej, noka pinaua niman ika pinaua on tlen niktemachtia, nejua yejuan oninochiu Tlakatl no ika nipinauas ijkuak niuajlas ikan noueyilis, ikan iueyilis noTajtsin niman inueyilis on yejyektitokej ángeles.

Jesús okijlij: —On ostotsitsimej kipiyaj intekaluan, niman on totomej kipiyaj intepajsol, pero nejua yejuan oninochiu Tlakatl xnikpiya nion kanon nikochis.

Kemaj okinmijlij: —San akinon yejuan nopampa kiselia yejua in konetl, nejua nechselia. Niman yejuan nejua nechselia, no kiselia on yejuan onechajtitlan. Ijkon tej, on yejuan más xueixtikaj nemotsajlan, on yejua más ueyixtias.