Yohane 15 मधील लोकप्रिय बायबल वचने

सामायिक करा

“Imi ji wai tsɔ ɔ, nyɛ ji kɔni ɔmɛ. Nɔ nɛ hii ye mi nɛ imi hu i hii e mi ɔ, lɛ nɔuu lɛ e woɔ yiblii fuu; ejakaa ke pi imi ɔ, lɛɛ nyɛ be nɔ ko nyɛe maa pee.

Nyɛɛ hi ye mi, nɛ imi hu ma hi nyɛ mi. Kaa bɔ nɛ tso kɔni be nyɛe maa je lɛ nitsɛ e mi nɛ e wo yiblii kaa ja e ma wai tso ɔ he ɔ, ja nyɛ hu nyɛ be nyɛe kaa ja nyɛ hi ye mi.

Ke nyɛ hi ye mi nɛ ye munyu ɔ hi nyɛ mi ɔ, nɔ́ tsuaa nɔ́ nɛ nyɛ ma kpa he pɛɛ ɔ, a maa pee ha nyɛ.

Tsa pi nyɛ nɛ nyɛ hla mi, se imi mohu lɛ i hla nyɛ, nɛ i to nyɛ konɛ nyɛ hu nyɛɛ ya nɛ nyɛ ya wo yiblii, nɛ nyɛ yiblii ɔ nɛ hi si; konɛ nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ngɔ ha nyɛ.

Nɔ ko be suɔmi nɛ kle pe enɛ ɔ, kaa nɔ nɛ ngɔ e wami ngɔ fɔ si ha e huɛmɛ.

Ye he kɔni tsuaa kɔni nɛ wui yiblii ɔ, e poo, nɛ eko tsuaa eko nɛ woɔ yiblii ɔ, e sãa he, benɛ pee nɛ e wo yiblii pe kekle ɔ.

Enɛ ɔ ji ye kita a, kaa nyɛɛ suɔ nyɛ sibi kaa bɔ nɛ i suɔ nyɛ ɔ.

Enɛ ɔ a kɛ woɔ Tsaatsɛ hɛ mi nyami, ke nyɛ wo yiblii fuu, nɛ nyɛ plɛ ye kaseli ɔ.

“Imi ji wai tso nitsɛ ɔ nɛ, nɛ Tsaatsɛ ji ngmɔtsɛ ɔ nɛ.

Ke nɔ ko hi ye mi ɔ, a sakee lɛ fɔɔ he kaa tso kɔni, nɛ e gbliɔ, nɛ a buaa nya ngɔ woɔ la mi, nɛ a sãa.

“I de nyɛ enɛ ɔmɛ, konɛ ye bua jɔmi ɔ nɛ hi nyɛ mi, nɛ nyɛ bua jɔmi ɔ nɛ hyi.

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Enɛ ɔ i ngɛ nyɛ dee ke: Nyɛɛ suɔ nyɛ sibi.”

Kaa je ɔ mi nyɛ je jinɛ, je ɔ maa suɔ lɛ nitsɛ e nihi, se akɛnɛ nyɛ ji je ɔ mi se imi mohu lɛ i hla nyɛ kɛ je je ɔ mi ɔ, kɔlɔ ɔ he nɛ je ɔ nyɛɛ nyɛ ɔ nɛ.