Yoa 15 मधील लोकप्रिय बायबल वचने

सामायिक करा

“Nyie ninyie mũsavivũ, nenyu mwĩ tũũvonge. Mũndũ ũla wĩkalaa nthĩnĩ wakwa, nakwa ngĩkala nthĩnĩ wake, mũndũ ũsu asyaa ũsyao mwingĩ. Nũndũ vate ũtethyo wakwa mũitonya kwĩka ũndũ.

Ĩkalaai nthĩnĩ wakwa, nakwa ngekalaa nthĩnĩ wenyu. Kaũvonge kaitonya kũsyaa keyĩũngamĩtye ke koka, ate o kayĩkala nthĩnĩ wa mũsavivũ. O ta ũu o nenyu mũitonya kũsyaa ate o mũyĩkala nthĩnĩ wakwa.

Ethĩwa mũkekala nthĩnĩ wakwa, na ndeto syakwa iyĩkala nthĩnĩ wenyu, voyai kĩndũ o na kĩva kĩla mũkwenda na mũkakwata.

Ti inyw'ĩ mwanyuvie, ĩndĩ ninyie namũnyuvie na namũtũma mũthi mũkasyae ũsyao, ũsyao ũla wĩtũa tene na tene. Nĩvo ĩndĩ nake Asa wĩmũnengae kyonthe kĩla mwamũvoya ĩsyĩtwanĩ yakwa.

Vai mũndũ wĩthĩwa na wendo ũthonokete ũũ, wa mũndũ kwĩyumya akw'e kwondũ wa anyanyae.

Nũtemaa akaveta kĩla kaũvonge ke nthĩnĩ wakwa kala katasyaa, ĩndĩ nũseaa kĩla kaũvonge kasyaa nĩ kana katonye kũsyaa ũsyao mwingangĩ.

Mwĩao wakwa nĩw'o ũũ: Endanaai ũmwe kwa ũla ũngĩ, o ũndũ nyie nĩmwendete.

Nĩ kwondũ wa ũkumyo wa Asa wakwa mwaĩlwe nĩ kũsyaa ũsyao mwingĩ, na kwĩthĩwa amanyĩw'a makwa.

“Nyie ninyie mũsavivũ ũla wa w'o, na Asa wakwa nĩwe ũĩmĩaa mũsavivũ ũsu.

Mũndũ ũla ũtekalaa nthĩnĩ wakwa nĩwĩkaw'a ĩtheka o tondũ kaũvonge kekaw'a na kayũma. Tũũvonge twa mũthemba ũsu nĩtũmbanaw'a tũkekw'a mwakinĩ na tũivya.

“Namũtavya maũndũ asu nĩ kana ũtanu wakwa ũtonye kwĩthĩwa nthĩnĩ wenyu, na ũtanu wenyu ũyĩthĩwa wĩ musũu.

Ethĩwa mũkeekaa ũndũ mĩao yakwa ĩkwasya, mũkekalaa nthĩnĩ wa wendo wakwa, o tondũ nyie nĩkaa ũndũ mĩao ya Asa ĩkwasya na nĩkalaa wendonĩ wake.

Ũũ ĩndĩ nĩ w'o mwĩao wakwa kwenyu; endanaai ũmwe kwa ũla ũngĩ.

Kethĩwa mwĩ ma nthĩ, andũ ma nthĩ no mamwende o ũndũ mendete ala moo. Ĩndĩ inyw'ĩ mũi ma nthĩ nĩkwĩthĩwa nĩnĩmũnyuvĩte mwĩvathane na nthĩ, na nĩkyo kĩtumi andũ ma nthĩ mamũmenete.