O LUKAS 17 मधील लोकप्रिय बायबल वचने

सामायिक करा

Daha o Yesus wïtemo o nyawaika gënanga, ”Nomomiki, deʼ noiki. Karana ngona nongaku Ngohino, ngona notogumu.”

Nako ünanga wobaradoha ngonaika wohigali matumidi o wange moi deʼ waino wohigeto-getongo ngonaino deʼ wotemo, ’Ngohi togahoko maaf,’ ünanga nihi apongo.”

Maöraha womatëngo mangadodiawo wamäo ünanga wotogumoka, unanga womakilioro wouli-ulili de womörene wihigiriri ma Jou Madutu. Gila-gila o Yesus aihimangoka, womarukuku deʼ wotemo tarima kasi Unangika. O nyawa gënanga o Samaria manyawa womatëngo.

Hababu gënanga nimahidodiai! Nako aniriadodoto wobaradoha, ünanga nitaaere. Nako ünanga womatoduba, nihiapongo.

Ipaha o Yesus wotemo, ”Mode koigoungua naga iningimoi nitogumu? Kiaka yahiwohi?

Ma Jou wäbaluhu, ”Nako ngini de maënanga niangongaku hosawi mamuiani, ngini yakunu niatemo o gota o waringi nënanga, ’Ngona norahuku deʼ o ngötuku nomadatomo,’ maraioka o gota gënanga aha ihimoteke anipareta.”

O nyawa yöriwo ihihalamati mangangango, aha ihihanga manga ngango. Mä o nyawa mangangango ihihanga aha yahihalamati.

O Yesus wätemo iwinöninïkika, ”O hali-o hali idadi o hababu o nyawa o baradoha yodiai maraioka aha de ma ënanga. Mä yobodito o nyawa yodadi hababu. Iholoi yaoa nako manga tomarino ihiliko o tapu de ma guminoka de yädoda o ngöto maluku-lukuku, nako önanga yodadi o hababu imatëngo o nyawa yohohumujuru nënanga o baradoha yodiai.

Ahao ihinyata o Nyawa manga Ngohaka aiwangeoka, madodagi hokä mahira o Nuh aiorahoka. O nyawa yokere yol̄omo, de yokawingi; hokogënanga kahokogenangika hiädono o Nuh wowohama o kapa magoronaika deʼ o nguihi iböa de mata-mata o nyawa gënanga yohonenge.