Luku 17 मधील लोकप्रिय बायबल वचने

सामायिक करा

A wi 'fali nɛ̀ wi yɛ: «Yɛ̀ mari waa, muɔ tɛ́ngɛlɛ ni 'muɔ suɔ.»

A ki 'nyaa muɔ siinyɛni wi 'tuu muɔ mɛ́ nɛ̀ taa tɔliyɔ kɔlisiin cɛngɛ nī gè, nɛ́ sí koli nɛ̀ muɔ náari tɔliyɔ kɔlisiin yè, ma ki yaʔa wi nɛ̄.»

Bà wàa nigbe kɛ́nì ki 'nyaa wire 'puʔɔ wè, a wire 'koli nɛ̀ pɛn, nɛ̀ pɛ́ni kòkuulo wáari kpuʔɔ nɛ Kulocɛliɛ gbùʔɔrɔ́ wè. A wi 'kɛ́ nɛ̀ sɛ́nì tuu nɛ̀ yiʔɛ cúbulo gè dàala nɛ̄ Zezi tɔliyɔ táanni yè nɛ́ wi síɛri nɛ̀ barigɛ kɛn wi mɛ́. Nɛ̀ sí ki taa Samariiyé wuu wi 'puu.

«Kire nɛ̄ yeri yìye ciʔige. «A muɔ siinyɛni wi 'kapiile kpíʔile muɔ nɛ̄ wè, ma juu nɛ́ wi ní ma wi sɔ̀mi. A wi 'wi yéri wi kapiile nɛ̄ lè, ma ki yaʔa wi nɛ̄.

A Zezi wi 'jo: «Pe mìɛni kiɛ piyè puʔɔ nɛ̀ cìile léʔ ? Bìli kacɛri peli 'kò sé ?

A wi 'pe yɛ: «A ki yē tɛ́ngɛlɛ yē yeli mɛ́ bɛ̀ mutaridi pìle kpúʔɔgɛnmɛ tíɛlɛ bè, yeli bé gbɛ̀ juu nɛ́ tiige gáà ní gè bé ki yɛ: ‹Kɔ́n náʔa gè ma sa tuu kuʔɔjii nī wè !› Bà ki bé lúʔu yeli mɛ́.

A siɛn ŋíì nɛ ki caa bè wi sìi suɔ wè, wi bága pùunni wi sìi nī wè. A ŋìi sí pùunni wi sìi nī wè mi kɛnmɛ nɛ̄ bè, wi bága wi taa.

A Zezi wi 'wi pìtɛnmɛnɛ yɛ bèle: «Kúrugodiʔɛlɛ kiyě gbɛ̀ laaʔ, kire 'kàri fànʔa wī. A siɛn ŋíì sí kpíʔile kaala á kúrugodiɛlɛ taa wè, kire siɛn wè yawuʔɔ yē wi nɛ̄. A pe cɛ́nì tírɛ sìndɛnigbuʔɔ puɔ ki siɛn mɛ́ wè yétiige nī gè nɛ́ wi líɛ nɛ̀ sɛ́nì wáa kuʔɔjii nī wè, kire bé cɛ bèli bè pɔ́ri ki siɛn mɛ́ wè, a ki 'nyaa siɛn wi 'kpíʔile tuudiɛlɛ yìrile bálì pe wàa mɛ́ wè.

«Kɛnmɛ bíì nɛ̄ kele ke cé tóri Nɔwe lɛ̀lɛ nī lè bɛ̀ ki bága puu Siɛn Pùɔ cɛnyɛ nī yè. Siɛnnɛ pe 'puu nɛ líi níɛ gbun, nɛ cepɔriyɔ kpínʔini, nɛ pe pìile cepɔriyɔ kpínʔini nɛ pínɛ, fúɔ nɛ̀ taa cɛngɛ gíì Nɔwe wi kɛ́nì jíin kɔ́rikpuʔɔ nī gè, á kàsakpiile ni 'tìgi nɛ̀ siɛnnɛ pe mìɛni cúʔɔ bèle.