योहान 12 मधील लोकप्रिय बायबल वचने

सामायिक करा

जर कोणी माझी सेवा करील तर त्यांनी मला अनुसरावेच; म्हणजे जेथे मी आहे, तेथे माझा सेवक असेल. जे कोणी माझी सेवा करील त्यांचा सन्मान माझा पिता करील.

जे कोणी आपल्या जीवावर प्रीती करतात ते त्याला गमावतील आणि जे या जगात आपल्या जिवाचा द्वेष करतात ते त्याला अनंतकाळाच्या जीवनासाठी राखतील.

मी तुम्हाला निश्चित सांगतो, गव्हाचा दाणा जमिनीत पडून मेला नाही, तर तो एकच दाणा राहतो. परंतु तो मेला, तर बहुत पीक देतो.

मी या जगात प्रकाश म्हणून आलो आहे, यासाठी की जे मजवर विश्वास ठेवतात त्यांनी अंधारात राहू नये.

“जर कोणी माझी वचने ऐकून ती पाळीत नाही, तर मी त्या व्यक्तिचा न्याय करीत नाही. कारण मी या जगाचा न्याय करण्यासाठी आलो नसून, जगाचे तारण करण्यासाठी आलो आहे.

मरीयेने अर्धा लिटर, शुद्ध जटामांसीचे मौल्यवान सुगंधी तेल; येशूंच्या पायावर ओतले आणि आपल्या केसांनी त्यांचे पाय पुसले आणि त्या सुगंधी तेलाच्या वासाने घर भरून गेले.

त्यांनी खजुरीच्या झाडांच्या झावळ्या घेतल्या व त्यांच्या भेटीस गेले आणि गजर करीत म्हणाले, “होसान्ना!” “प्रभुच्या नावाने येणारा धन्यवादित असो!” “इस्राएलचा राजा धन्यवादित असो!”

येशू त्यांना म्हणाले, “मानवपुत्राचे गौरव होण्याची वेळ आली आहे.