मत्तय 19 मधील लोकप्रिय बायबल वचने

सामायिक करा

येशूंनी त्यांच्याकडे पाहिले आणि म्हटले, “मानवाला हे अशक्य आहे, परंतु परमेश्वराला सर्वगोष्टी शक्य आहेत.”

म्हणून येथून पुढे ते दोघे नसून एकदेह आहेत. परमेश्वराने जे जोडले आहे, ते मनुष्याने विभक्त करू नये.”

येशूंनी उलट विचारले, “तुम्ही वाचले नाही काय? प्रारंभी ‘परमेश्वराने पुरुष व स्त्री निर्माण केली,’ आणि, ‘या कारणासाठी पुरुषाने आपल्या आईवडिलांना सोडून आपल्या पत्नीबरोबर राहावे आणि ती दोघे एकदेह होतील.’

येशू शिष्यांना म्हणाले, “लहान बालकांना माझ्याजवळ येऊ द्या, त्यांना प्रतिबंध करू नका; कारण स्वर्गाचे राज्य असल्यांचेच आहे.”

पण अनेकजण जे पहिले आहेत, ते शेवटले होतील आणि जे शेवटले आहेत ते पहिले होतील.”

ज्या कोणी मला अनुसरण्यासाठी आपले घर, भाऊ बहीण, आई, बाप, पत्नी, मुले, मालमत्ता यांचा त्याग केला आहे, त्याला शंभरपट मोबदला तर मिळेलच, पण सार्वकालिक जीवनही मिळेल.

येशू म्हणाले, “तू परिपूर्ण होऊ इच्छित असल्यास तुझी सारी मालमत्ता विकून टाक आणि जो पैसा येईल तो गरीबांना वाटून दे आणि तुला स्वर्गात संपत्ती मिळेल. मग ये व मला अनुसर.”

तेव्हा येशूंनी त्याला म्हटले, “तू मला उत्तम काय आहे हे का विचारतोस? फक्त परमेश्वरच खर्‍या अर्थाने उत्तम आहेत. पण तू आज्ञा पाळ म्हणजे तुला जीवनात प्रवेश मिळेल.”

मी पुन्हा सांगतो की, श्रीमंत मनुष्याला परमेश्वराच्या राज्यात प्रवेश करणे यापेक्षा उंटाला सुईच्या नाकातून जाणे सोपे आहे.”

मी तुम्हाला सांगतो, व्यभिचाराच्या कारणाशिवाय जो कोणी आपल्या पत्नीला सूटपत्र देतो आणि दुसर्‍या स्त्रीशी लग्न करतो, तो व्यभिचार करतो.”

मग येशू आपल्या शिष्यांना म्हणाले, “मी तुम्हाला सत्य सांगतो, श्रीमंतांना स्वर्गाच्या राज्यात प्रवेश करणे कठीण आहे!