YOANES 15 मधील लोकप्रिय बायबल वचने

सामायिक करा

Ma me ne nyia ndik woon, mi ki bifaʼalé. E môt a too be ma, ma fe me too be nye, e nye a wum bibuma abui, amu me momo, mi se ngul ya bo toʼo jam éziñ.

Tabaʼane ñhe be ma, ma fe e be mia. Aval éfaʼalé é se ngule ya wum bibuma étam, nge é nji timbi be nyia ndik, avale te fe mia nge mi nji tabe be ma.

Nge mia tabe be ma, mejô mame ki me tabe be mia, jakaʼane jôm ése mia kômbô, mia ye nyoñe je.

Sake mia mi nga tob ma, mamien me nga tob mia, a telé mia na mi ke, a wume bibuma, a bibuma bienan bia ye dañe libi, a na, nge mia ye jaʼé Tate jôm éziñ a jôé dam, a ye ve mia je.

Môt éziñ a nji bi nyeʼane wo dañ wuna na môt a ju ényiñ jé a butane bemvôé bé.

Efaʼalé ése é tii be ma te wum bibuma, a tyiʼi je, a e ji ése ki ja wum bibuma a seb je na é wum bibuma abui.

Atiñe dame ke di na mia mia mi nyeʼesan, aval ane me nga nyeʼe mia.

Esaa wom a nyoñe duma amu na mia wum bibuma abui a nalé ate mia ye bo beyéʼé bam.

Ma me ne nyia ndik, Esaa wom ki e nye a bo ésaé ya été.

Nge môt éziñ a nji tabe be ma, ba ye wua nye atan aval ane éfaʼalé, ve mane kôt, be ve kôane bie a wua bie nduan été, bi ve mane dik.

E mam ma, me nga kate mia me na avaʼa dam e bo be mia, a na avaʼa denan e jaé ne lut.

Nge mia baʼale metiñ mam, mia ye tabe nyeʼane wom été, aval ane mamien me nga baʼale metiñe mʼEsaa wom, a me too e nyeʼane wé été.

Jam ma bendé mia e ne ve na mi nyeʼesan, wua a nyô mbok.

Nge mi nga ye bo ba ya si ndôn, si ndôn é nga ye nyeʼe jôme jé. Ve mbôl mi nji bo ba ya si ndôn, amu mamien me nga ke ma tob mia e si ndôn été, ajô te si ndôn ja wôʼô mia biko.