JOHN 15 मधील लोकप्रिय बायबल वचने

सामायिक करा

“Tao üwu, numan üquilan. Ao üme ngohnang, hüyange Tao I me ngoh, hatüowe ülick maawe licknang, hangjingne ü-mepu yanne numan-e hango yeling ok.

Üme ngohyah hüyange Tao-o numan phei ngohning. Üwu me yengohküma-a, hangke üquiye ülick yelick ok, hatüokih, ü-phei yengohküma-a, numane-o ülick yelick lak.

Numan üme ngohküma-a hüyange ü-ngao numan me ngohküma-a, numan-e hangyin lengyapeih yuyah, hüyange hatüo numante linglak.

Numan-e Tao leye ngaipu ne yeje, hüyangpoi Taowe numan leye ngai, hüyange numan taiye ülick licklak jingne hüyange ülick ngohlak jingne Taowe numan le. Tüokhei numan-e ü-min me Üpate hangyin yulakei, Iye numante yahphalak.

Kahta jawe yoi shümpa jingne üyin phünne phapu tokte üyongpa kenpu hango yenang.

Üme ngohyange ülick yelickpu üqui lili Iye yahtei nang, hüyange ülick lickpulan üqui ülick sheyong she licklak jingne Iye jaowe lingnang.

Hatüo ü-ngaokeng Taowe numante hangke ken, hüke numan teikenyah.

Numan-e ülick maawe lickke, hüyange ütingpa ü pinlan she hüowante Üpa müktishiwa nang.

Tao ütingpa wu, hüyange hampa-a Üpa.

Ütam ü me yengohküma-a, peequi lange winpu kih winnang; hüyange wannang, moi yonang, hüyange vünte jakke shunang.

“Ü-mongmeipu numan me ngohlak, hüyange tüopa mongmei wangngoilak jingne, Taowe numante tüolan ngao yangki.

Hangke Taowe Üpa ngaokeng jon, hüyange I yayeng me ngoh, hatüoke numan-e ü-ngaokeng jonma-a, numan ü-yayeng me ngohlak.

Hatüo Taowe numante ngaokeng phanang: Jawe ja te teikenpu ngohyah.”

Numan kahtoknyu jingne mengma-a, kahtoknyuwe I jingte kenhah shepu. Hüyangpoi kahtoknyu mepu Taowe numan lenang, hüyange numan kahtoknyu jing yeje; tüokhei kahtoknyuwe numante nunang.