बाइबल जीवित छSample

बाइबलले हामीलाई शक्ति प्रदान गर्छ

कल्पना गर्नुहोस् कि तपाईंले भिन्नै देशको कुनै व्यक्तिलाई आफ्नो परिचय दिँदै हुनुहुन्छ र तपाईं एउटा त्यस्तो मानिसहरूको समूहबाट हुनुहुन्छ जसको नामको अर्थ ""बकबकेहरू” हुन्छ । “पोपोलुका (Popoluca)"" नामको अर्थ पनि त्यहीं नै हुन्छ र यो मेक्सिकोको भेराक्रुजका आदिवासी मानिसहरू र उनीहरूको भाषासँग सम्बन्धित छ । 

आजको दिनसम्म, “पोपोलुका"" लाई अझैं पनि उक्त भाषा बोल्ने उक्त क्षेत्रभित्रका ३५,५०० मानिसहरूलाई वर्णन गर्न प्रयोग गरिन्छ ।

तर त्यो बोल्नेहरूले चाहिँ, यसलाई “नुन्ताजिई (Nuntajɨ̱yi)”— “स्पष्ट बोली” भन्छन् । 

केहीलाई नुन्ताजिई त्यति महत्त्वपूर्ण नलाग्ने भएतापनि अहिले नयाँ करारलाई आफ्नो भाषामा पढ्न वा सुन्न सक्ने मानिसहरूले यो जसले सृष्टि गर्नुभयो उहाँका लागि यो महत्त्वपूर्ण छ भन्ने कुरालाई बुझ्दछन् । केरोलिना ती मानिसहरू मध्ये कि एक हुन् ।

पोपोलुका नयाँ करारको अनुवादकको नातिनी केरोलिना कलेज उत्तीर्ण गर्ने पहिलो पोपोलुका महिला हुन् ।

उनले परमेश्वरको वचन आफ्नो भाषामा बताउनका लागि आफ्नो जीवन समर्पित गरेकी छिन् र अहिले ५० वटा भजन संग्रहहरू अनुवाद गरिरहेको टोलीको नेतृत्व गरिरहेकी छिन् । “हामीले स्पेनिशमा बाइबल पढ्दा मेहनत व्यर्थ भएको जस्तो देखिन्छ । तर जब हामीले आफ्नो भाषामा त्यसलाई पढ्छौँ, त्यो सिधै हाम्रो हृदयभित्र प्रवेश गर्छ । यसले हाम्रो हृदयहरूलाई छुन्छ—यसले हामीमा छाप छोड्छ—किनभने हामीले वास्तवमै यसलाई बुझ्न सक्छौं ।”  केरोलिना YouVersion समुदायको एक सक्रिय हिस्सा हुन् र परमेश्वरको वचनलाई नुन्ताजिईमा अध्ययन गर्नका लागि उनले नियमित रूपमा YouVersion नै प्रयोग गर्छिन् ।  “तपाईंले हाम्रो शब्दहरूलाई तपाईंको एपमा राख्नुभएकोले हामी धेरै खुशी छौं किनभने अब संसारमा जोकोहीले पनि त्यसलाई देख्न सक्छन्—हाम्रो भाषा चिर-परिचित भाषाहरूसँगै रहेको छ ! प्राय: हाम्रो भाषालाई महत्त्व दिइने गरिन्न तर यस एपमा हाम्रो भाषालाई उच्च महत्त्व दिइएको हामी देख्न सक्छौं ।” आज, तपाईंको भाषामा तपाईंसँग बाइबल छ भनेर थोरै समय निकालेर परमेश्वरलाई धन्यवाद दिनुहोस् । आज विश्वभरि काम गरिरहेका केरोलिन र अन्य हजारौं बाइबल अनुवादकहरूका निम्ति परमेश्वरलाई धन्यवाद दिनुहोस् । उनीहरूको भक्ति र मायाका कारण, परमेश्वरको वचन पृथ्वीका प्रत्येक क्षेत्रमा निरन्तर रूपमा फैलिरहेको छ र त्यसलाई सुन्ने तथा बुझ्ने मानिसहरूको परिचयहरूलाई परिवर्तन गरिरहेको छ ।