बाइबल जीवित छनमूना

बाइबलले आशा ल्याउँछ

घाना* ले सन् २०१६ मा जीवन-रूपान्तरण गर्ने येशूको शक्तिलाई पहिचान नगर्दासम्म उनी धर्मनिष्ठ मुसलमान थिइन् । तर ख्रीष्टियन भएपछि, उनको त्याग गरियो, उनलाई अस्विकार गरियो र उनको समुदाय तथा परिवारद्वारा उनलाई बहिष्कृत गरियो । एक समयमा, उनको बच्चाहरूलाई उनीबाट खोसिएर अर्कै देशमा पठाइएको थियो ।

र घानाले येशूलाई त्याग गर्न इन्कार गरेता पनि आफ्नो विश्वासको नजिक रहेर अगाडि बढ्नमा मद्दत गर्नका लागि उनले कुनै पनि बलियो सहायता प्रणाली पाइनन् ।

एक्लो र चिन्तित स्थितिमा, उनले आत्महत्या गर्ने पनि विचार गरिन्।

तर अन्तमा उनको भेट कसैसंग भयो जसले उनको फोनमा YouVersion डाउनलोड गरिदिएको थियो। 

सुरुवातमा घानालाई रुचि थिएन, तर पछि तिनले बिहानै Verse of the Day पढ्न शुरु गरिन् ताकि यसरी तिनले त्यसको अर्थमा मनन गरेर त्यसलाई आफ्नो दिनको निम्ति एउटा मार्गनिर्देशको रूपमा प्रयोग सकून्।

अनि समय बित्दै जाँदा, केहि अनपेक्षित कुरा भयो… 

“यसका पदहरू जीवित भए र म भित्र बास गरे। तिनीहरूले मलाई मानिसहरू सँग कसरी स्वस्थ सम्बन्ध गाँस्ने भनि सिकायो, र तिनीहरूले मलाई मेरो डिप्रेसनबाट निको हुन मद्दत गरे। म त्यागिकी भएतापनि, मैले त्यसलाई जुनै समयमा पढ्दा पनि मैले आराम पाएँ। मैले Verse of the Day लाई जुनै समयमा पढ्दा पनि, यसले कुनै विशेष प्रकारले मलाई उचाल्छ र मलाई आशा दिन्छ। परमेश्वर यि पदहरूद्वारा मसँग प्रत्यक्षरूपमा सँधै बोल्नु भएको जस्तो।” अहिले घानाले Verse of the Day लाई उनी जहाँ जान्छिन् त्यहाँ बताउने अवसरहरूलाई खोज्छिन्। उनले अनलाईन मार्फत आफ्नो समुदायलाई उत्साह दिनको लागि पदहरूलाई पोष्ट गर्छिन्, र उनको काममा आफ्ना सहकर्मीहरू र ग्राहकहरूसँग धर्मशास्त्रको विषयमा कुरा गर्छिन्।  उनको कथा परमेश्वरको वचनले हामी सबैमा के गर्न सक्छ भन्ने कुराको केवल एउटा उदाहरण हो। परिस्थितिहरू फेरिन्छन्, भावनाहरू तलमाथि हुन्छन्, मानिसहरूले हामीलाई निराश पार्न वा त्याग्न सक्छन्—तर परमेश्वरको वचन अनन्तकाल सम्म रहिरहन्छ। अनि त्यसै कारण, हामी हाम्रो परिस्थितिहरूलाई माथ गर्ने शान्ती र आशाको हामील अनुभव गर्न सक्छौँ। किनकी जब हामी परमेश्वरको वचनलाई हाम्रो हृदयहरू भित्र ठाउँ दिन्छौँ, त्यो त्यहिँ रहनेछ।   आज, यो प्रार्थना गरेर परमेश्वरलाई उहाँको वचनलाई तपाईंमा जिवन्त पार्नको निम्ति प्रार्थना गर्नुहोस्:  परमेश्वर, तपाईंले मलाई बनाउनु भयो र तपाईं मलाई चिन्नु हुन्छ। केवल तपाईंसँग मेरो जिवनलाई परिवर्तन गर्ने शक्ति छ। यसकारण आज मेरो जीवनलाई तपाईंको वचन अनुरूप गर्नुहोस भनि म सोधिरहेको छु। मैले जे भोग्नु परेतापनि, तपाईंको वचन प्रति सच्चा रहन मलाई साहस दिनुहोस् ताकि तपाईंले मेरो जिवनमा राखि दिनुभएका मानिसहरूकहाँ म तपाईंको सत्य र प्रेमलाई घोषणा गर्न सकूँ। मेरो विश्वासको जराहरू गहिरो गरि बढ्न दिनुहोस् जसै म तपाईंको नजिक आउँदछु। येशूको नाउँमा, आमेन। *यहाँ व्यक्तिको पहिचानको रक्षा गर्नको निम्ति नामलाई परिवर्तन गरिएको छ।