Versete biblice populare din Lucas 11

Partajează

Siyan chiayuy managfasur, nu akammuyuy mangatod à mamfaru ta anàyu, sin-umisag na oyyoon Amayud langit wi mangatod ta mamfaru! Tan à siya, adchonan Ispirituna ta sinumani manchawat an siya.”

Ad somsom-onyun miyalikana, nu awad masapuryu, chawatonyun Apudyus ad adchonan chiayu. Nu anaanaponyun pionyuy anapon, ochasanyu. Ad nu kongkongonyun liwangan, maib-at an chiayu.

Tan losani manchawat an Apudyus, maatod na chawatona, ad na manganap ta pionay anapon, ochasana, ya maib-at na liwangan ta sinumani mangkongkong.

Ad anan Jesus an chicha, “Nu malluwaruayu, amasnan oyyoonyu: ‘Amani, machaychayaw kuman ngachannu. Chumatong kuman manturayam ad asnay luta.

Pakawanon chiani ta fasurni, à isun na mamakawananni ta losani fumasur an chiani. Ya ilisim chiani ta achiani pu maawis wi fumasur.’”

Adchan chianì anonni ta finikat.

Na ata, siyan silaw na long-ag. Siyan nu maid pu chifiktun na ata, isù losan nasilawan na long-ag. Ngim nu awad chifiktun na ata, isù awad na long-ag ta pangot.

Inturuy Jesus wi man-alig, anana, “Maid pu takù mamaskid ta silaw ad sinar-iwana winnu tinab-unana, ngim ipatayna ta ustuy papattayana ta mailan sinumani lumnò.