Versete biblice populare din LUCAS 14

Împărtășește

—Pipas qatiwaqniyqa ñoqatam kuyawanan taytanmantapas, mamanmantapas, warminmantapas mastaqa chaynataq churinkunamantapas, wawqenkunamantapas, paninkunamantapas hinaspa kikinpa vidanmantapas mastaqa. Mana chayna kaspaqa manam puriqmasiychu kanman.

Pipas ñoqarayku ñakaristin qatiwaqniyqa ñoqapaq hinam.

Pipas hatunchakuqqa humillasqam kanqa, pipas humillakuqñataqmi hatunchasqa kanqa.

Chaynaqa mayqannikichikmantapas kapuqninta tukuy ñoqarayku mana saqeqqa, manam discipuloyqa kananchu.

Pipas torre hatarichiyta munaspaqa qespichinankama gastananpaqmi puntataqa tanteanqa. Mana chayqa cimientaruspallan sayaruptinmi runakunapas asipayaspan ninman: “Kay runaqa torre hatarichiyta qallaykuspallanmi mana qespichinchu” nispa.

Convidota ruraspaykiqa qayaykuy wakchakunatawan suchukunatayá hinaspa wistukunatawan ñawsakunata. Chaynata ruraptikiqa allin ruraqkuna kawsarimuptinmi Diosña kutichipusunki, mana kutichiy atiqkuna convidasqaykimanta chaymi ancha kusisqa kanki.

—Kachiqa allinmi ichaqa qamyayaruspanqa ¿imapaqtaq valenman? Chakrapaqpas nitaq wanupaqpas manañam valenñachu aswanqa wischunallapaqñam. Uyariwaqniykunaqa kasukuychikyá.