Versete biblice populare din Ruuka 14

Împărtășește

“Ömöntö wowonswe ono akuusha igha abhe umwegha uwaane, anhanshe öni, okokera bhono ahanshirë suwaabho, nyakuwaabho, mokaaye, abhaana abhaaye, bhamura abhaabho, na bhaisëkë abhaabho. Kora okokera bhono aihanshirë umwene.

Ömöntö wowonswe igho, ono ataikërri ukunyoora inyanko iya okonsoorana, uyö taatore okobha umwegha uwaane hë.

Ko bhoora ömöntö wowonswe ono akwinënëhya, Waryobha nkumusuuhya arë. Kasi ömöntö ono akwisuuhya, Waryobha nkömönënëhya arë.”

“Bhoono na bhëënyu bhonswe, m-buyöbhuyö igha, ömöntö taatore okobha umwegha uwaane, hano ataatighe bhyonswe igho bheno aanabhyo.”

“Mwighwe mbaraghërri bhuuya. Toghambe igha, hano ömöntö araatune okohaghaasha omonara, m-maheene tahaghaashe igho, ataikaayë hansë aitegherre bhuuya, okore amaahe, nyoore aana ëbhëntö ibhya okohaghaashera, amarërri omoremo ughwaye ghuyö. Hano ataakore kya bhuyö, aratora okohaghaasha obhorosa, kasi akerwe okomarërrya omonara ghuyö. Ho bhoono abhahëti abha ko-nshera bharaabhenga bharamosera. Mbaraaghambenga igha, ‘Maaha mbe ömöntö ono! Yaasimya okohaghaasha, kasi okomarërrya kwamotama.’

“Kasi hano wasëëmya inyangi, uwe raareka abhatöbhu, abhabhëëru, amatengʼo na abhahukuru. Hayö ho oraangʼoorwe, ko bhoora bhayö, tebhaana ëkëntö ikya ukukukyörrya hë. Kasi Waryobha we arekohaka ko-nkaagha eno ariryökya abhantö abha heene.”

“Ömöönyö në-këntö ikiiya keno kekosambaarokya. Kasi hano ömöönyö ghoraabhorwe obhosambaaroku, n-kë kekaatoorwa-mo ghosambaaroke? Ömöönyö kya ghuyö, teghoona ubhwera hë, nekaabha ku-rirobha handë emborea. Abhantö nkoghotabhuta bharë. Ömöntö wowonswe ono aighuurë ghayö ngambirë, aghaitegherre bhuuya.”