Versete biblice populare din ULUKASI 17

Partajează

Yeke wathi kuye: “Sikima ukhambe, ukukholwa kwakho kukusindisile.”

Nakube ukone kalikhomba ngelanga, eze kuwe kalikhomba athi, ‘Ngiyaphenduka,’ mlibalele.”

Enye yawo yathi ingabona bonyana ipholile, yabuya idumisa uZimu ngelizwi elikhulu. Yaziphosa eenyaweni zakaJesu, yamthokoza. Begade imSamariya.

Yeke yelelani enikwenzako! “Nakube umfowenu uyona, mkhalimele; naphendukako, mlibalele.

UJesu wathi: “Azange kuhlanjululwe woke wolitjhumi na? Alo, aphi-ke amanye alithoba?

IKosi yaphendula yathi: “Nakube beninokukholwa okungangembewu yemastadi, benizakuthi emthini womurbheyi lo, ‘Ruthuka uyokutjaleka ngelwandle,’ bewuzanilalela.”

Loyo olinga ukuzuza ipilwakhe izamlahlekela. Loyo olahlekelwa yipilwakhe uzayibulunga.

UJesu wathi ebafundini bakhe: “Izinto ezenza abantu bone zimele ukubakhona, kodwana maye kiloyo eziza ngaye! Bekungaba ngcono kuye bona kubotjhelelwe ilitje lokusila entanyenakhe aphoselwe ngelwandle, kunobanyana enze abancancanaba bone.

Njengombana gade kunjalo emihleni kaNowa, kuzakuba njalo nemihleni yeNdodana yoMuntu. Abantu bebagoma, basela, bathatha begodu benda kufikela mhla uNowa angena khona ngemkhunjini. Yeke kwafika umthwalela, wabatjhabalalisa boke.