Известные библейские стихи из JUAN 14

Поделиться

Ang paghidait ginabilin ko sa inyo; ang akon paghidait ginahatag ko sa inyo; indi subong sang paghatag sang kalibutan ang paghatag ko sa inyo. Dili malisang ang inyo mga tagiposoon, ukon mahadluk.

Si Jesus nagsiling sa iya, “Ako amo ang dalan, kag ang kamatooran, kag ang kabuhi; walay nagaabut sa Amay, kondi paagi sa akon.

“Dili malisang ang inyo mga tagiposoon; magtoo kamo sa Dios, magtoo man kamo sa akon.

Apang ang Mananabang, ang Espiritu Santo, nga ipadala sang Amay sa akon ngalan, magatudlo sia sa inyo sang tanan nga butang, kag magapahanumdum sa inyo sang tanan nga akon ginsiling sa inyo.

Ang nagahuput sang akon mga sogo kag nagatuman sa ila, sia amo ang nagahigugma sa akon; kag ang nagahigugma sa akon higugmaon sang akon Amay, kag ako magahigugma sa iya kag magapahayag sang akon kaugalingon sa iya.”

Kag ako magapangayo sa Amay, kag magahatag sia sa inyo sing isa pa ka Mananabang, agud nga mag-upud sia sa inyo sa gihapon, bisan ang Espiritu sang kamatooran, nga indi mabaton sang kalibutan, kay wala ini makakita sa iya ukon makakilala sa iya; nakilala ninyo sia, kay nagapabilin sia sa inyo, kag manginyara sia sa inyo.

Bisan ano ang pangayoon ninyo sa akon ngalan, ina himoon ko, agud nga ang Amay mahimaya sa Anak; kon magpangayo kamo sa akon sing bisan ano sa [akon] ngalan, ina himoon ko.

“Kon nagahigugma kamo sa akon, magabantay kamo sang akon mga sogo.

Sa balay sang akon Amay may madamung hulut; kon wala, makasugid bala ako sa inyo nga nagakadto ako sa pag-aman sa inyo sing duug?

Kag kon ako makakadto kag makaaman sa inyo sing duug, magabalik ako kag dalhon ko kamo kaupud nakon, agud nga kon diin ako didto man kamo.

Si Tomas nagsiling sa iya, “Ginoo, wala kami makahibalo kon diin ka makadto; paano bala ang pagkahibalo namon sang dalan?”