Известные библейские стихи из S. Juan 1

Поделиться

Chen tu woro a mok tu yakso' y tu ch'ao' u t'ʌn K'uj, K'uj tu wayso' tu woro u jach ti'aro'

U yʌj chuni tu woro a ba', toj ya tiʌ a t'ʌn y a t'ʌn toj tiʌ yete K'uj y a t'ʌn lʌji' K'uj.

A lay u sasi ku saskintik tu ts'uak'ʌ y lay a ts'uak'ʌ mʌnʌ' u k'uchu u muk' u tupe a lay u sasi.

A mok a lay a T'ʌn tu meta u bʌj winik, y kʌjnʌ yete to' (tak ira' u muk', u muk' a bex a lʌji' toj ja'ri' jach lʌji' u Ti'a K'uj a mok ja'ri' junturi'), a lay ne otsi u yirik a winik y ne taj ba' tu tsikbʌta.

Tu woro a ba', lʌji' tu laj meta o mʌnʌ' a ti' tu woro a ba' a yʌn toj moj metchʌ. Ti tu ts'a u kuxta tu woro a ba' y lay a kuxta lʌji' tu ts'a u sasi tia' winiko'.

Ka k'uchi u jer k'in, a Juan tu yira a Jesús u tar ti', y Juan tu ya'a: «¡Ire'x a lay lʌji' u Choj Me' K'uj a ku luk'sik u si'pi a winik way yok'o a lu'm!

Toj yok'o lu'm tiʌ, a to'o toj lʌji' ti' tu laj meta, chen u winiko' a lu'm mo' tu k'o'ota. Tari u yire u winik, chen u winiko' mo' tu yaksa' tu yʌno'.

A lʌji' a bex u sasi a ku jach tichk'atik tu woro a winiko', tʌn u tar yok'o a lu'm.

A tu li'sa' u t'ʌn K'uj lʌji' ts'abti' a Moisés, chen ti' ak irik ne otsi u yiriko' K'uj y aj tari u tsikbʌto' u taji a ba' ti to', lʌji' tari yok'o a Jesucristo.