Известные библейские стихи из Yowana 19

Поделиться

Bhunu Yeesu ꞉aarabhire iidivaayi iyo, ˆnaaika ati, “Omurimu gwani gwawa!” Mmbe, ˆneenamya omutwe, kimwi ˆnaafwa.

Mmbe, Yeesu enu amenyerega ati amangʼana goone kutyo gaamarire okuwa, ˆnaaika ati, “Enuungwa obhwiro.” ꞉Aaikire kutyo insonga ganu ꞉gaakaamirwe mu-Makaamo Amataakatiifu, gakuumire.

Bhunu Yeesu ꞉aarorere nyiramwene, na omwiyigira unu ꞉aariga eendere muno ayambaaye ayeeyi na nyiramwene, ˆnaaika ati, “Maayi, ringira uyo. Mukore abhe mwana waawo.” Kimwi ˆnaabhwira na omwiyigira uyo ati, “Ringira uyo. Mukore abhe nyakumwana.” Mmbe, okwambira ayo omwiyigira uyo ˆnaagega nyiramwene Yeesu, ˆnaagenda okwikara nawe.

Nawe bhunu ꞉bhaagendere ku-Yeesu, mbanyoora aamarire okufwa, ꞉bhataamufunire amaguru. Nawe omusirikare owumwi ˆnaasoma Yeesu na riitimu mu-rubhafu. Mmbe, amaanyinga ngawurura na amanji.

Amangʼana gayo ꞉gaabheeye kutyo insonga gakuumishe ganu ꞉gaariga gakaamirwe mu-Makaamo Amataakatiifu ati, “Ritariwo eguwa ryaye rinu ririfunwa.” Na Amakaamo agandi agaaika kweki ati, “Bhariija okuringira unu ꞉bhaasomere.”

Yeesu ˆneetwika omusarabha gwaye, mbeemuka ayo, mbagenda anu ꞉aabhirikirwaga mu-Kiebhuraaniya ati, Gorigota, insonga yeende-ko ni kiima kinu ꞉kyasusanaga na ekiyanga.

Abhasirikare mbasinga orusuurya rwa amawa, mbamufwafya ku-mutwe. Mbamufwafya na ingibho ya ekikama eya jambarawu.