Mavhesi emuBhaibheri Ane Mukurumbira kubva kuna Zvirevo 6

Pakurirana nevamwe

Zvinhu zvitanhatu zviriko zvinovengwa naJehovha; Zvirokwazvo, tingati kune zvinomwe, zvinomunyangadza, zvinoti: Meso ounozvikudza, rurimi runoreva nhema, Maoko anodurura ropa risina mhaka; Mwoyo unofunga mano akaipa, Tsoka dzinokurumidza kuvangira zvakashata; Chapupu chinonyengera chinoreva nhema, Uye anokusha kupesana pakati pehama.

Enda kumujuru, iwe simbe; Cherekedza nzira dzawo ugova wakachenjera!

Kumbovata zvishomanene, kumbotsimwaira zvishomanene, Kumbofungatira maoko zvishomanene, ndizorore; Saizvozvo urombo hwako huchasvika segororo, Nokushaiwa kwako somunhu wakashonga nhumbi dzokurwa.

Mwanakomana wangu, chengeta murayiro wababa vako; Usarasha kudzidzisa kwamai vako. Uzvisungire nguva dzose pamwoyo wako; Uzvishonge pamutsipa wako.