Mavhesi emuBhaibheri Ane Mukurumbira kubva kuna Mapisarema 19

Pakurirana nevamwe

Mashoko omuromo wangu nokurangarira kwomwoyo wangu ngazvifadze pamberi penyu, Imi Jehovha, dombo rangu, nomudzikinuri wangu.

Murayiro waJehovha wakakwana, unoponesa mweya; Chipupuriro chaJehovha ndechazvokwadi, chinopa vasina mano njere.

Kudenga-denga kunoparidzira kubwinya kwaMwari; Uye denga rinoratidza basa ramaoko ake.

Zvinorairwa naJehovha zvakarurama, zvinofadza mwoyo; Murau waJehovha wakaisvonaka, unovhenekera meso.

Kutya Jehovha kwakanaka, kunogara nokusingaperi; Zvakatongwa naJehovha ndezvazvokwadi, zvakarurama kwazvo.