Mavhesi emuBhaibheri Ane Mukurumbira kubva kuna Nziyo 103

Pakurirana nevamwe

Rumbidza TENZI iwe mweya wangu; usakanganwe zvikomborero zvake zvose.

Iye anoregerera uipi hwako hwose; anokurapa zvirwere zvako zvose anokununura kuti urege kuenda kuguva. Pamusoro pazvose anokuitira mwoyochena netsitsi. Anokugutsa nezvinhu zvakanaka upenyu hwako hwose achikugwinyisa zvokuti unoramba uri mudiki segondo.

Rumbidza TENZI iwe mweya wangu uye zvose zviri mandiri, rumbidzai zita rake rinoera.

Sezvinoita baba kunzwira tsitsi vana vavo, TENZI anoitirawo tsitsi vanomutya

Sokutaramukana kwakaita kumabvazuva nokumadokero ndokutaramutsa kwaanoita zvikanganiso zvedu kubva kwatiri.

TENZI ane tsitsi nengoni haakurumidzi kushatirwa uye ane mwoyochena wakawanda.

Haatiitiri zvakaenzana nezvitadzo zvedu kana kutipa mubayiro maererano nouipi hwedu. Sokukwira kwakaita denga kubva pasi ndokukura kwakaita mwoyochena wake kuna vanomutya.

TENZI akaisa chigaro chake chokutonga mudenga, umambo hwake hunotonga zvose.