Mavhesi emuBhaibheri Ane Mukurumbira kubva kuna ỊJỌN 4

Pakurirana nevamwe

Jaabwọ ká Ohe Oluhye ayịdang ri olegu lẹ, angịlẹ wuu kị juwa tịtọ kị ka gbịgba ha Ohe Oluhye, ka gbịgba ọọwa họọ bwula ọngịrị nya Olegu nya Ohe Oluhye ẹ-ẹpwụ nya ẹla nya ịlẹhị pyii lẹ.”

Ma, ụka juwa warị, ọlẹẹlẹẹ a dọmwụ ri ụka ọọwa lẹlẹ! Ká angị ka juwa raabwọ gbịgba ha Ohe Oluhye Adịda nya ịnyịlẹhị ka juwa gbịgba họọ bwula ọngịrị nya Olegu nya Ohe Oluhye ẹ-ẹpwụ nya ẹla nya ịlẹhị. Chajị ụma nya angịnyị ịlịnyị kpangga, Ohe Oluhye Adịda a juwa teleko nyaa kị ka gbịgba họọ lẹ.

Ma, ọng myị́ ọng ọlẹ kọ tị ye enyi nya ọhịhị ọọwa nwa bwu ụbwọ ene lẹ aalẹ, enyi ọọwa ka ka ẹpwụ nyamwụ kaka yẹ la ẹmwụ-enyi ọtụka nya ọhịhị ayịdang ọlẹ kọ ka juwa jugu jugu pyịyọọ pwụ ọhịhị ọmyịmyị-ka lẹ.”

IJisọsị wẹ byoo yẹkẹẹ, “Ẹnwa ọnyang, ó ri kaahụ ayịdang á jẹ́ ang ọlẹ ká ọgahị ọnahị nya Ohe Oluhye ri bala ọ-jẹ́ ụma nya ọngọlẹ kọ bying wẹ yẹkẹẹ, chị́ enyi ham nwa mẹ, ká myị bịlọọ enyi nya ọhịhị, ịnọ, ọ ka chị́ enyi nya ọhịhị ọọwa hang nwa ịnyịlẹhị lẹ.”

IJisọsị wẹ byaa yẹkẹẹ, “Anụ wo mẹ! Am ayịdang, ọ-ka họ irya nya Ohe Oluhye jịra bala ọ-ka họ ụkụrwọ ọlẹ ká Ohe Oluhye dum ẹrụ warị nyọka họhọ wuu jịra gbanggbang, a ri ang oriri nyam ọọwa lẹ!

Ọnyang ọwẹ wẹ byi iJisọsị yẹkẹẹ, “Ayịbahị, ya jem wẹẹ! Á kpa ochiri ọ-chị́ enyi bwu ịwẹẹlụ juwa ka. Ịwẹẹlụ ọlẹ tị la kpori-kpori lụmẹ. Ee lẹ, ale, a tị́ tị tị ka ye enyi nya ọhịhị ọọwa chị́ bwu?

Ọnyang ọwẹ wẹ byi iJisọsị yẹkẹẹ, “M jẹ́ yẹkẹẹ, ụka ọlẹ ká iMesaya ọlẹ kị wụrụ ịKịrayịsị ayịdang á warị wẹwẹ lẹ aalẹ, ọ ka bwuru etu nya ang ịlịịwẹ wuu ya jehi kpá lẹ.” IJisọsị wẹ byoo yẹkẹẹ, “Am ọngọlẹ kam wẹẹ ya ẹla ya tang kpangga, a ri ịKịrayịsị ọọwa ayịdang lẹlẹ.”

“Anụ kẹwẹ kaka yẹ ọlọmwụ nya Ohe Oluhye lalẹẹ kọ bwuru ang myị́ ang ọlẹ kam họ wuu lẹ, ya jem lẹẹ mẹ! Anụ ya kọọwa ayịdang a ka ri ịKịrayịsị ọọwa ọlẹ kahị lẹẹ ya ẹhị rịrị gbe ka?”