Mavhesi emuBhaibheri Ane Mukurumbira kubva kuna Lûk 23

Pakurirana nevamwe

Yɛso n nùghù dzɛ̀ tsughu enyəa, “Tsele waŋā, wuwmàʼà bo e ghee zo, nu ghe kwo dzə yo fəgha kəla ghe ghəŋlo ghè kò.” Ghe n nì dzùghù tsùghu ndzʉ̀ è wən aŋ ghùe e ghee mo ghe təm tsughu bòʼ.

Yɛso n dzɛ̀ ndùw â wə̄n enyəa, “M̀ fɛ kùum dzàa wò nù â ghù, nɛ, ghàʼ à ghù sò lò a dzə̀m alo Kəwālā.”

Ù n dzɛ̀ â Yɛso enyəa, “Yɛso ghù ke moʼn mugho abugho ghù kè lô am Fɔ̀e wʉ̀a.”

Yɛso n daŋso dì sə̀ wò an dzə̂ è tughu enyəa, “Tsele waŋā, ghue waŋa vʉ̀a M̀ fughu wô â ghù.” Ghəa ù daŋso dî tsughu êzə̀, ù m mìa kɔ̀ʼ è wo.

Ghəa ghe bughò tɛ̂ tsughu an lùʼù kəla ghe tɔŋlo enyəa, à lò Kaŋ kə kətūw, ghe n tə̀ghàa kɔ̀ʼ Yɛso a fughu ghèe ghê ghì yìa à bə̀ghà ghe fə̀ zaʼ lâŋ kò. U mɔ̀ʼ aŋ kwe u Yɛso ù təma wo, u mɔ̀ʼ aŋ kwe u Wə̄n ù kwû wò.

À fə̀ lo an zuuw è kɔʼɔ teme zo, ləm kə m bvʉ̀ tsughu luʼū tən tə̀ dzə̀m ndùw tɛ̀ ndùw an tàm tə ezuw tə təgha an zuw è bəŋo zo. Aŋghəa lə̄m kən bvʉ̂ doʼō, Vʉa e zəa an Ndughu è Kə̀zə̀ è ne m gbə̀n bàa sə̀ tsùghù wò alo ugbà u bʉ̀ghà.

A m bùghò êzəŋo komndzūghū vʉ kôʼ tsughu ghəa yia a sə kɔʼ, ù m fùghù ndùw ŋkɔʼso â Zə̀ kò, dzɛ̀ tsùghù enyəa, “Ghùw wən mò kuūm lo ghùw ù tsəghatsəgha.”