Mavhesi emuBhaibheri Ane Mukurumbira kubva kuna Matius 3

Pakurirana nevamwe

So itu ngoni musti hidop ja beking tu bae sama deng tu cara hidop yang pantas for orang yang so bertobat. Kalu ngoni beking bagitu, ngoni bole mo se sama deng pohong yang babua bagus.

Kong dapa dengar Tuhan Allah pe suara dari sorga da babilang, “Ini Kita pe Anak, Kita sayang pa Dia. Dia ini yang beking Kita pe hati snang.”

Abis Yohanes baptis pa Yesus, Yesus iko kaluar dari aer. Waktu itu jo, langit tabuka kong Yesus lia Tuhan Allah pe Roh yang rupa burung pombo turung di atas pa Dia.

Kita babaptis pa ngoni pake aer, tanda ngoni so bertobat. Mar abis kita, nanti ada satu Orang yang mo datang, Dia lebe berkuasa dari kita. Hele mo bantu pa Dia for bawa akang Dia pe capatu sama deng tu biasa orang karja ja beking, kita nyanda pantas. Dia yang mo baptis pa ngoni pake Roh Kudus deng api.

Tuhan so siap mo hukum samua orang yang nyanda bertobat, itu sama deng satu orang yang so siap-siap deng de pe tamako di akar pohong for potong tu pohong yang nyanda babua bagus, kong nanti abis itu, dia mo buang ka api.

Yohanes ini, tu orang yang nabi Yesaya perna da bilang dulu. Nabi Yesaya da bilang bagini, “Ada orang yang babicara deng suara kuat di padang gurun. Tu orang itu babilang, ‘Buka jalang for trima pa Tuhan, kong kase tre tu jalang for sambut pa Dia.’ ”